នៅក្នុងរបាយការណ៍វាយតម្លៃឆ្នាំ ២០២១ សេដ្ឋកិច្ចវៀតណាមបានស្ទុះងើបឡើងវិញយ៉ាងឆាប់រហ័សដោយសារការផ្លាស់ប្តូរសមស្របនៅក្នុងយុទ្ធសាស្រ្តបង្ការប្រយុទ្ធប្រឆាំងជំងឺរាតត្បាត ពោលគឺបានបើកឡើងវិញចាប់ពីដើមត្រីមាសទី ៤ ឆ្នាំ ២០២១។ ទីផ្សារហិរញ្ញវត្ថុរបស់វៀត ណាមក្នុងឆ្នាំ ២០២១ ក៏រក្សាបាននូវសន្ទុះកំណើនវិជ្ជមានផងដែរ ដោយ សារម៉ាក្រូសេដ្ឋកិច្ច មានស្ថិរភាព គោលនយោបាយសារពើពន្ធ និងរូបិយវត្ថុមួយចំនួនដើម្បីគាំទ្រប្រជា ជន និងអាជីវកម្មត្រូវបានអនុវត្តន៍។

នៅឆ្នាំ ២០២២ របាយការណ៍ព្យាករណ៍ថា សេដ្ឋកិច្ចវៀតណាមនឹងងើបឡើងវិញបានល្អប្រសើរ កំណើនអាចឈានដល់ ៥.៥-៦% និងខ្ពស់ជាងនេះនៅឆ្នាំ ២០២៣។ ប្រាក់ចំណេញនៃឧស្សាហកម្មធនាគារទាំងមូលត្រូវបានរំពឹងថានឹងកើនឡើងក្នុងអត្រាជាមធ្យមប្រហែល ២០-២៥% បើធៀបនឹងឆ្នាំ ២០២១។ សម្រាប់ទីផ្សារភាគហ៊ុន ផ្សារមូលប័ត្រត្រូវបានព្យាករណ៍ថា នឹងមានការកែសម្រួលចាំបាច់ដើម្បីឱ្យកាន់តែមានស្ថិរភាព និងមានភាពខ្លាំងក្លាជាង។ អនុសាសន៍គោលនយោបាយជាច្រើនក៏ត្រូវបានលើកឡើងដោយអ្នកជំនាញនៅក្នុងរបាយការណ៍ផងដែរ៕