សេចក្តីថ្លែងការណ៍រួមបានបញ្ជាក់យ៉ាងច្បាស់ថា ថ្នាក់ដឹកនាំជាន់ខ្ពស់នៃប្រទេសទាំងពីរបានឯកភាពថា ការអភិវឌ្ឍ និងធ្វើឲ្យស៊ីជម្រៅថែមទៀតនូវទំនាក់ទំនងរវាង វៀតណាមនិងម៉ុងហ្គោលី គឺស្របតាមផលប្រយោជន៍រួមរបស់ប្រជាជននៃប្រទេសទាំងពីរ; ឯកភាពលើកកំពស់ទំនាក់ទំនងរវាងប្រទេសទាំងពីរទៅជា “ភាពជាដៃគូគ្រប់ ជ្រុងជ្រោយ” និងបន្តជំរុញការពង្រីកកិច្ចសហប្រតិបត្តិការលើវិស័យជាច្រើនដូចជា៖ ការពង្រឹងកិច្ចសហប្រតិបត្តិការនយោបាយ; ពង្រីកកិច្ចសហប្រតិបត្តិការលើវិស័យ ការពារជាតិ សន្តិសុខ និងការអនុវត្តច្បាប់; ពង្រីកកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ ក្នុងនោះយល់ព្រមពិចារណាលើការចុះហត្ថលេខាថ្មីលើ កិច្ចព្រមព្រៀងអំពីការលើកទឹកចិត្ត និងការពារការវិនិយោគ។ ថ្នាក់ដឹកនាំជាន់ខ្ពស់នៃ ប្រទេសទាំងពីរក៏បានឯកភាពជំរុញកិច្ចសហប្រតិបត្តិការជាក់ស្តែងលើវិស័យកសិកម្ម វិទ្យាសាស្ត្រ ដឹកជញ្ជូន វប្បធម៌ កីឡា ទេសចរណ៍ អប់រំ ការងារ បរិស្ថាន និងការ គាំពារសង្គម។ ទន្ទឹមនឹងនោះ ពង្រឹងកិច្ចសហប្រតិបត្តិការក្នុងតំបន់ និងអន្តរជាតិផងដែរ។

ថ្នាក់ដឹកនាំជាន់ខ្ពស់នៃប្រទេសទាំងពីរបានឯកភាពថា ដំណើរទស្សនកិច្ចផ្លូវរដ្ឋ នៅម៉ុងហ្គោលីរបស់លោកអគ្គលេខាបក្ស ប្រធានរដ្ឋ តូ ឡឹម បានរួមចំណែកយ៉ាង សំខាន់ក្នុងការតម្រង់ទិស និងបើកយថាទស្សន៍សម្រាប់ទំនាក់ទំនងមិត្តភាព និងកិច្ច សហប្រតិបត្តិការរវាងប្រទេសទាំងពីរ៕