នេះជាប្រភេទរូបភាពសិល្បៈបែបថ្មី ពីព្រោះ គ្មានការណែនាំ គ្មានអ្នកដើរមុន សម្រាប់សិប្បករ សិប្បការិនីវ័យក្មេងនេះរៀនសូត្រ និងច្នៃប្រតិដ្ឋ។ រាល់ការស្វែងយល់សុទ្ធតែថ្មីទាំងស្រុង ការស្វែងយល់ពិភពខាងក្នុងមានចិត្តពោរពេញដោយអារម្មណ៍លង់ ស៊ីជម្រៅ ប៉ុន្តែក៏ពិបាកនឹងយល់វាផងដែរ។ សិប្បករ ប៊ូយ វ៉ាន់ទឹ (Bui Van Tu) រៀបរាប់ សង្ឃឹមថាការប្រឡោកខ្លួន ស្វែងរករបស់បងសម្រាប់ប្រភេទសិល្បៈបែបថ្មីនេះ នឹងរំញោចអារម្មណ៍ដល់មិត្តយុវវ័យ មានបំណងចង់ស្វែងរកផ្លូវដោយឡែកមួយ សម្រាប់ខ្លួនឯង។
ដើម្បីបង្កើតបានស្នាដៃមួយមិនងាយស្រួលនោះទេ ទាមទារសិប្បករ សិប្បការិនីត្រូវមានភាពអត់ធ្មត់ និងការផ្ចិតផ្ចង់ប្រាកដប្រជា។ ឧទាហរណ៍ វត្ថុដើមជាឈើ ដែលជាវត្ថុដុំតម្លៃខ្ពស់។ ក្នុងដំណើរការធ្វើ គ្រាន់តែជ្រុលដៃ ជួនកាលត្រូវចោលទាំងស្រុង។ រីឯចំពោះវត្ថុធាតុកុលាលភាជន៍ បងទឺ (Tu) ត្រូវច្របាច់ញី រួចយកទៅហាលស្ងួតរាប់ខែ មុនពេលយកទៅដុត។ ពេលដុតត្រូវតាមដានមើលជាប្រចាំ និងកែសម្រួល ពីព្រោះវត្ថុធាតុនេះមានកម្រិតប្រែរូបអាស្រ័យទៅសីតុណ្ហភាពខ្ពស់។
នៅឆ្នាំ២០២២ ពិធីតាំងពិព័រណ៍ពន្លឺបញ្ញា ជាព្រឹត្តិការណ៍មួយក្នុងចំណោមព្រឹត្តិការណ៍ដ៏ធំរបស់បងប៊ូយ វ៉ាន់ទឺ (Bui Van Tu) បន្ទាប់ពីមួយទសវត្សរ៍ស្វែងយល់រូបភាពសិល្បៈពិសេសមួយនេះ។ ការតាំងពិព័រណ៍នោះបានប្រមូលផ្តុំស្នាដៃចំនួន១២ គឺជារូបថតរបស់អ្នកវិទ្យាសាស្រ្តទាំង១២រូប មានវិចិត្រករ តន្រ្តីករល្បីៗលើពិភពលោកដូចជា៖ Albert Einstein, Nikola Tesla, Leonardo da Vinci, Ludwig van Beethoven ។ល។ ក្នុងពិធីតាំងពិព័រណ៍នោះ សិប្បករ ប៊ូយ វ៉ាន់ទឺ (Bui Van Tu) រៀបរាប់ថា៖ “ខ្ញុំតែងស្វែងយល់បង្ហាញបែបថ្មី សម្រាប់រឿងរ៉ាវនីមួយៗ។ ខ្ញុំរកឃើញអារម្មណ៍នៅពន្លឺរស្មី ជាវត្ថុដែលនាំឱ្យខ្ញុំលង់ចិត្តលង់គំនិត។ បណ្ដាស្នាដៃនៅក្នុងពិធីតាំងពិព័រណ៍លើកនេះ មួយចំណែកគឺជាព្រលឹងរបស់ខ្ញុំ”។
ស្នាដៃចម្លាក់ពន្លឺរស្មី បង្កើតបានជារូបថត Archimedes។ រូបថត៖ ត្រឹនថាញយ៉ាង