លោកអគ្គលេខាធិការ ប្រធានរដ្ឋចិន Xi Jinping មានសារអំណរគុណលោកអគ្គលេខាធិការ ង្វៀន ភូត្រុង (Nguyen Phu Trong) បានផ្ញើទូរសារចែករំលែកទុក្ខ ចំពោះសមមិត្ត Jiang Zemin បានទទួលមរណភាព។
ទីភ្នាក់ងារសារព័ត៌មានវៀតណាមគោរពឧទ្ទេសនាមសារទាំងស្រុងដូចខាងក្រោម៖
សារអំណរគុណ
គោរពផ្ញើ៖ សមមិត្ត ង្វៀន ភូត្រុង (Nguyen Phu Trong) អគ្គលេខាធិការនៃគណៈប្រតិបត្តិការមជ្ឈិមបក្សកុម្មុយនិស្តវៀតណាម
ជម្រាបប្រសាសន៍សមមិត្តអគ្គលេខាធិការ
តំណាងបក្ស រដ្ឋ និងប្រជាជនចិន ខ្ញុំថ្លែងអំណរអរគុណសមមិត្ត ដែលបានផ្ញើទូរសារចែករំលែកទុក្ខ ចំពោះសមមិត្ត Jiang Zemin បានទទួលមរណភាព ទន្ទឹមនោះក្រុមគ្រួសារសមមិត្ត Jiang Zemin សូមថ្លែងអំណរគុណពីចម្ងាយផងដែរ។
សមមិត្ត Jiang Zemin បានរួមជាមួយនឹងសមមិត្តថ្នាក់ដឹកនាំវៀតណាម ជំរុញធម្មតូបនីយកម្មទំនាក់ទំនងចិននិងវៀតណាម បង្កើតទិសស្លោក១៦ពាក្យ “ភូមិផងរបងមិត្តភាព សហប្រតិបត្តិការគ្រប់ជ្រុងជ្រោយ ស្ថេរភាពយូរអង្វែង ឆ្ពោះទៅរកអនាគត” មានឥទ្ធិពលស៊ីជម្រៅដល់ការអភិវឌ្ឍន៍ទំនាក់ទំនងចិន និងវៀតណាម។
កន្លងទៅហើយ សមមិត្តអគ្គលេខាធិការបានអញ្ជើញទៅបំពេញទស្សនកិច្ចនៅប្រទេសចិន ប្រកបដោយជោគជ័យ។ យើងបានរួមគ្នាពិភាក្សាអំពីទិសដៅធំសម្រាប់ការអភិវឌ្ឍន៍នៃទំនាក់ទំនងចិន និង វៀតណាម រួមសម្រេចបាននូវសុភវិនិច្ឆ័យសំខាន់។ ខ្ញុំយកចិត្តទុកដាក់ខ្ពស់ដល់ការអភិវឌ្ឍន៍ទំនាក់ទំនងចិន និង វៀតណាម ត្រៀមជាស្រេចរួមនឹងសមមិត្តខិតខំជំរុញទំនាក់ទំនងដៃគូសហប្រតិបត្តិការយុទ្ធសាស្រ្តគ្រប់ជ្រុងជ្រោយចិន និង វៀតណាម ក្នុងសម័យកាលថ្មី កំពុងបោះជំហានឆ្ពោះទៅកាន់លំដាប់ថ្មីមិនឈប់ឈរ។
សូមគោរពជូនពរសមមិត្តប្រកបដោយពរដ៏ប្រសើរ។
លោក Xi Jinping អគ្គលេខាធិការ នៃគណៈប្រតិបត្តិការមជ្ឈិមបក្សកុម្មុយនិស្តចិន ប្រធានរដ្ឋប្រទេសសាធារណរដ្ឋប្រជាមានិតចិន។