នាព្រឹកថ្ងៃទី៩ ខែតុលា ឆ្នាំ២០១៧ នៅទីក្រុងហាណូយសភាពាណិជ្ជកម្មនិងឧស្សាហកម្មវៀតណាម (VCCI) បានរៀបចំសន្និសីទកាសែតឧទ្ទេសនាមអំពីបណ្តាព្រឹត្តិការណ៍របស់សហគ្រាសក្នុងសប្តាហ៍ជាន់ខ្ពស់ APEC វៀតណាម ២០១៧។
ទិដ្ឋភាពនៃសន្និសីទកាសែត (រូបថតៈ Khắc Kiên)
ប្រធាន VCCI លោក Vu Tien Loc បានធ្វើបច្ចុប្បន្នភាពនូវស្ថានការត្រៀមរៀបចំព្រឹត្តិការណ៍របស់សហគ្រាសនៅ APEC ២០១៧ ដោយ VCCI ជាអធិបតី។ តាមនោះ ក្នុងខែវិច្ឆិកា ឆ្នាំ២០១៧ សន្និសីទរបស់សហគ្រាសមួយចំនួនត្រូវបានរៀបចំឡើងដូចជា៖ កិច្ចប្រជុំ ក្រុមប្រឹក្សាពិគ្រោះយោបល់អាជីវកម្ម APEC (ABAC) លើកទី៤ សន្និសីទកំពូលអាជីវកម្ម APEC វៀតណាម សន្និសីទកំពូលសហគ្រាស APEC និងជំនួបសន្ទនារវាង ABAC ជាមួយថ្នាក់ដឹកនាំ APEC។ សន្និសីទកំពូលសហគ្រាស APEC ២០១៧ នឹងបានរៀបចំឡើងពីថ្ងៃទី៨ដល់ថ្ងៃ១០ ខែវិច្ឆិកា ក្រោមប្រធានបទ បង្កើតកម្លាំង ចលករថ្មី រួមគ្នាពូនជ្រំអនាគត។ សន្និសីទនេះបានប្រមូលផ្តុំសហគ្រាសជួរមុខមកពីប្រទេសចំនួន ២១ មានខឿនសេដ្ឋកិច្ចអភិវឌ្ឍន៍របស់ APEC ផងដែរ។
យោងតាមលោក Vu Tien Loc សន្និសីទកំពូលសហគ្រាស APEC និងជំនួបសន្ទនារវាង ABAC ជាមួយថ្នាក់ដឹកនាំនៃខឿនសេដ្ឋកិច្ចនានាជាសកម្មភាពប្រចាំរបស់ APEC។ លើសពីនេះទៅទៀត នៅ APEC ២០១៧ នឹងប្រព្រឹត្តទៅព្រឹត្តិការណ៍មួយចំនួនទៀតជាគំនិតច្នៃប្រឌិតរបស់វៀតណាមផងដែរ៕
តាម VOV5 - វិទ្យុសម្លេងវៀតណាម