នាថ្ងៃទី ១៥ ខែមករា ស្ថានទូតវៀតណាមប្រចាំនៅអ៊ីតាលីរៀបចំពិធីបុណ្យតេតសម្រាប់សហគមន៍ - អំណរនិទាឃរដូវឆ្នាំជូតទោស័កឆ្នាំ ២០២០ ក្នុងបរិយាកាសកក់ក្តៅនៃស្រុកកំណើត។
![](https://imagevietnam.vnanet.vn/Upload/2020/1/17/17012020220233237congdongnguoiviettainuocngoaidonxuancanhty_zsij.jpg)
សកម្មភាពស្វាគមន៍និទាឃរដូវឆ្នាំជូតទោស័ក (រូវថត៖ ទីភ្នាក់ងារសារព័ត៌មានវៀតណាម)
ឯកអគ្គរដ្ឋទូតវៀតណាមប្រចាំនៅអ៊ីតាលីលោកស្រី Nguyen Thi Bich Hue បានរំលឹកឡើងវិញអំពីសមិទ្ធិផលនៃការអភិវឌ្ឍន៍សេដ្ឋកិច្ច - សង្គមរបស់ប្រទេសជាតិក្នុងឆ្នាំ ២០១៩។ ទន្ទឹមនឹងនោះ លោកស្រីបានអរគុណចំពោះការចូលរួមចំណែករបស់សហគមន៍វៀតណាមនៅអ៊ីតាលី ហើយលោកស្រីក៏បានសង្ឃឹមថា សហគមន៍នឹងបន្តក្លាយជាស្ពានប្រកបដោយប្រសិទ្ធភាពរវាងប្រទេសទាំងពីរផងដែរ។
ម៉្យាងវិញទៀត នាថ្ងៃដដែល នៅទីក្រុងយ៉ាំងហ្គោន ស្ថានទូតវៀតណាមប្រចាំនៅមីយ៉ាន់ម៉ាបានសហការជាមួយសហគ្រាសនិងសហគមន៍វៀតណាមក៏រៀបចំពិធីបុណ្យតេតសម្រាប់សហគមន៍ - ដោយអំណរនិទាឃរដូវឆ្នាំជូតទោស័កឆ្នាំ ២០២០ ផងដែរ។ នៅក្នុងពិធីនេះ ឯកអគ្គរដ្ឋទូតវៀតណាមប្រចាំនៅមីយ៉ាន់ម៉ាលោក Ly Quoc Tuan បានបញ្ជាក់ថា ស្ថានទូតវៀតណាមបំណងប្រាថ្នាបន្តទទួលបានការគាំទ្រ កិច្ចសហប្រតិបតិ្តការនិងការរួមដំណើររបស់ប្រជាជនសហគមន៍រួមទាំងបណ្ដាអាជីវករវៀតណាមនៅមីយ៉ាន់ម៉ាដើម្បីរួមចំណែកក្នុងការបំពេញបេសកកម្មប្រកបដោយល្អប្រសើរក្នុងដំណើរឆ្ពោះទៅខាងមុខ។
នាយប់ថ្ងៃទី ១៦ ខែមករា នៅរដ្ឋធានីប្រាក ស្ថានទូតវៀតណាមប្រចាំនៅសាធារណរដ្ឋឆែកក៏បានរៀបចំពិធីបុណ្យតេតប្រពៃណីជាតិនិទាឃរដូវឆ្នាំជូតទោស័កឆ្នាំ ២០២០ ផងដែរ៕
តាម VOV5 - វិទ្យុសម្លេងវៀតណាម