នាថ្ងៃទី ២៥ ខែវិច្ឆិកា នៅរាជធានីភ្នំពេញ ស្ថានទូតវៀតណាមប្រចាំនៅកម្ពុជាបានប្រកាសជាផ្លូវការនូវមូលនិធិអភិវឌ្ឍន៍ធនធានមនុស្សនៅសហគមន៍ប្រជាជនដើមកំណើតវៀតណាមនៅកម្ពុជា ដើម្បីជួយបង្កើនប្រភពធនធានមនុស្សក្នុងសហគមន៍ប្រជាជនដើមកំណើតវៀតណាមនៅកម្ពុជា ព្រមទាំងបង្កលក្ខណៈងាយស្រួលឲ្យកូន ចៅរបស់ប្រជាជនដើមកំណើតវៀតណាមអាចទៅសិក្សារៀនសូត្រនៅបណ្តាមហាវិទ្យាល័យ វិទ្យាល័យនានានៃប្រទេសទាំងពីរផងដែរ។
![](https://imagevietnam.vnanet.vn/Upload/2019/11/27/2711201909340036ramatquiphattriencpc_uiez.jpg)
និស្សិតកម្ពុជាដើមកំណើតវៀតណាមទទួលអាហារូបករណ៍ពីមូលនិធិអភិវឌ្ឍន៍ប្រភពធនធានមនុស្ស (រូបថត៖ vov.vn)
មូលនិធិនេះក៏ជួយគាំទ្រដល់ការបង្កើតទម្រង់គំរូថ្មីនៃការបង្រៀននិងរៀននៅតាមសាលា និងថ្នាក់ដែលគ្រប់គ្រងដោយសមាគមខ្មែរ - វៀតណាមនៅកម្ពុជានិងលើកកម្ពស់ការយល់ដឹងរបស់សហគមន៍អំពីតួនាទីនិងសារៈសំខាន់នៃការអប់រំ ជំនាន់យុវជនវ័យក្មេងក្នុងការធ្វើសមាហរណកម្មសង្គមកម្ពុជា។
នៅក្នុងពិធីនេះមូលនិធិបានផ្តល់អាហារូបករណ៍ពេញលេញដល់និស្សិតកម្ពុជាដើមកំណើតវៀតណាមចំនួន ១០ នាក់ដែលទៅសិក្សានៅសាកលវិទ្យាល័យនានានៅប្រទេសវៀតណាមចាប់ពីឆ្នាំសិក្សា ២០១៩ ផងដែរ៕
តាម VOV5 - វិទ្យុសម្លេងវៀតណាម