កិច្ចប្រជុំនៅសភាជាន់ទាបហ្វីលីពីន។ (រូបថត៖ congress.gov.ph)
សេចក្តីសម្រេចចិត្តបានលើកច្បាស់ថា ក្នុងចំណោមសភាជាសមាជិកទាំង១០នៃមហាសន្និបាតអន្តរសភាអាស៊ាន (AIPA) ហ្វីលីពីន និងវៀតណាមបានកសាងទំនាក់ទំនងពិសេសក្នុងរយៈពេលប៉ុន្មានឆ្នាំកន្លងមក ដោយរួមគ្នាឆ្ពោះទៅរកសន្តិភាព និងប្រសិទ្ធភាពក្នុងកិច្ចសហប្រតិបត្តិការក្នុងតំបន់។ ក្នុងនាមជាសមាជិកនៃសមាគមប្រជាជាតិអាស៊ីអាគ្នេយ៍ (អាស៊ាន) ហ្វីលីពីនបានវាយតម្លៃខ្ពស់ចំពោះសារៈសំខាន់នៃការរក្សាចំណងមិត្តភាពជាមួយសមាជិកអាស៊ានដទៃទៀត ជាពិសេសជាមួយវៀតណាម។ សភាជាន់ទាបហ្វីលីពីនបានសម្រេច បង្កើតក្រុមសមាជិកសភាមិត្តភាពហ្វីលីពីន-វៀតណាម ដោយបង្ហាញពីការប្តេជ្ញាចិត្ត ពង្រឹងកិច្ចសហប្រតិបត្តិការជាមួយវៀតណាម។
ការដែលសភាជាន់ទាបហ្វីលីពីនចេញសេចក្តីសម្រេចនេះ បានបង្ហាញពីការស្វាគមន៍ពិសេសចំពោះដំណើរទស្សនកិច្ចជាផ្លូវការនៅហ្វីលីពីនរបស់ប្រធានរដ្ឋសភាវៀតណាម លោក Vuong Dinh Hue និងគណៈប្រតិភូជាន់ខ្ពស់រដ្ឋសភាវៀតណាម ចាប់ពីថ្ងៃទី ២៣ ដល់ថ្ងៃទី ២៥ ខែវិច្ឆិកា។ ដំណើរទស្សនកិច្ចនេះ បានបង្ហាញពីការយកចិត្តទុកដាក់របស់វៀតណាមចំពោះថ្នាក់ដឹកនាំថ្មីរបស់ហ្វីលីពីន និងទំនាក់ទំនងភាពជាដៃគូយុទ្ធសាស្ត្រវៀតណាម - ហ្វីលីពីន បន្ទាប់ពីប្រទេសទាំងពីរទើបតែប្រារព្ធខួបលើកទី ៤៥ នៃទំនាក់ទំនងការទូត (១៩៧៦-២០២១)៕