សកម្មភាពវប្បធម៌ពេញទៅដោយអត្ថន័យបានរៀបចំយ៉ាងផុលផុស
ក្នុងឱកាសពិធីបុណ្យទី៣០មេសានិងទី១ឧសភា
ទីក្រុងហាណូយបានរៀបចំសកម្មភាពវប្បធម៌ កីឡាជាច្រើនសំដៅ អំណរសាទពិធីរំលឹកខួបលើកទី៤១ទិវារំដោះភាគខាងត្បូងវៀតណាម ឯកភាព ប្រទេសជាតិថ្ងៃទី៣០មេសា ទិវាពលកម្មអន្តរជាតិ ថ្ងៃទី១ឧសភា និងរំលឹកខួបលើកទី១២៦ ទិវាខួបកំណើតលោកប្រធានហូជីមិញ។ សកម្មភាពលេចធ្លោបំផុតក្នុងឱកាសនេះរួមមាន កម្មវិធីបង្ហាញម៉ូដនៅវិហារ Ngoc Son ទិវាសិល្បៈតាមដង វិថីនិងម្ហូបអាហារហាណូយសម័យបុរាណនៅបឹង Truc Bach ការតាំងពិព័រណ៍និងបញ្ចាំងខ្សែភាពយន្ត ស្តីពីបដិវត្តន៍បំរើប្រជាជនគ្រប់ជាន់ថ្នាក់ទៀតផង។
ក្នុងពេលជាមួយនោះដែរ នៅទីក្រុងហូជីមិញក៏បានរៀបចំសកម្មភាពលេង កំសាន្តជាច្រើនលើទូទាំងទីក្រុង។ ជាពិសេសនៅវេលាម៉ោង៩យប់ថ្ងៃទី៣០ខែមេសា ទីក្រុងបានរៀបចំការបាញ់កាំជ្រូចផ្កាសិល្បៈ។ ក្នុងឱកាសនេះដែរ នៅមណ្ឌល កំសាន្តទូទាំងប្រទេសក៏បានរៀបចំសកម្មភាព វិសេសវិសាលជាច្រើនបំរើប្រជាជន និងភ្ញៀវទេសចរមកលេងកំសាន្តផងដែរ៕
តាម VOV5 - វិទ្យុសម្លេងវៀតណាម