ក្នុងឱកាសរំលឹកខួបលើកទី៤២ នៃទិវារំដោះភាគខាងត្បូងវៀតណាម ទាំងស្រុង ឯកភាពប្រទេសជាតិ (ថ្ងៃទី៣០ ខែមេសា) នាថ្ងៃទី២៧ ខែមេសា ឆ្នាំ២០១៧ តំណាងថ្នាក់ដឹកនាំខេត្ត Long An បានទៅអុជធូបនៅឈាបនដ្ឋានវីរៈយុទ្ធជន ខេត្ត ក្នុងបំណងសម្តែងនូវការដឹងគុណ ចំពោះជំនាន់មុនដែលបានពលីជីវិត ដើម្បីបុព្វហេតុរំដោះជាតិ ឯកភាពប្រទេស។ ក្នុងឱកាសនេះដែរ កងទ័ពការពារព្រំដែនខេត្ត Long An ក៏បាន រៀបចំការពិនិត្យ ព្យាបាលជំងឺ និងផ្តល់ថ្នាំឲ្យប្រជាជនក្រីក្រ ជនរួមជាតិជនជាតិភាគតិចនៅតំបន់ជាប់ព្រំដែន។
រួមជាមួយបរិយាកាសនៃពិធីបុណ្យធំៗរបស់ប្រទេសជាតិ នាថ្ងៃទី២៧ ខែមេសា ឆ្នាំ២០១៧ ស្ថានទូតវៀតណាមប្រចាំ នៅកូរ៉េខាងត្បូង បានរៀបចំពិធីរំលឹកខួបលើកទី៤២ នៃទិវារំដោះភាគខាងត្បូងវៀតណាម ឯកភាពប្រទេសជាតិ។ អញ្ជើញថ្លែងមតិ ក្នុងពិធី ឯកអគ្គរដ្ឋទូតវៀតណាមប្រចាំនៅកូរ៉េខាងត្បូង លោក Nguyen Vu Tu បានលើកត្រដែតអត្ថន័យសំខាន់ នៃមហាជ័យជម្នះនិទាឃៈរដូវឆ្នាំ១៩៧៥។ លោកឯកអគ្គរដ្ឋទូត ក៏បានជូនដំណឹង ជាមួយសហគមន៍ជនវៀតណាម នៅកូរ៉េខាងត្បូង និងមិត្តភក្តិអន្តរជាតិ អំពីសមិទ្ធិអភិវឌ្ឍន៍របស់វៀតណាម ក្រោយរយៈពេល៣០ឆ្នាំអនុវត្តគោលនយោបាយផ្លាស់ប្តូថ្មីផងដែរ៕
តាម VOV5 - វិទ្យុសំឡេងវៀតណាម