Carnaval នឹងមាន ៤ ផ្នែក៖ ពិធីបុណ្យ កម្មវិធីសិល្បៈល្ខោន ការរាំតាមដងផ្លូវ ការបាញ់កាំជ្រួចកម្រិតទាប។ ផ្តល់ព័ត៌មានក្នុងសន្និសីទសារព័ត៌មានដែលបានធ្វើឡើងនាថ្ងៃទី ១១ មេសា នៅទីក្រុងហាឡុង លោក Nguyen Ngoc Son អនុប្រធានគណៈកម្មាធិការប្រជាជនទីក្រុងហាឡុង អនុប្រធានគណៈកម្មាធិការរៀបចំ Carnaval បានឲ្យដឹងថា ឆ្នាំនេះ Carnaval នឹងមានចំណុចថ្មីជាច្រើន រួមទាំងសកម្មភាពពិសេសៗ  ដើម្បីទាក់ទាញភ្ញៀវទេសចរ។ ដូច្នោះ ឆាកសម្តែងនឹងរួមបញ្ចូលេះន្លឺឆ្លាតវៃពិសេសជាច្រើន។ លើសពីនេះ គណៈកម្មាធិការរៀបចំនឹងអញ្ជើញតារាចម្រៀងល្បីៗ ក្រុមរាំ បវរកញ្ញា តារាអាជីព សិល្បករប្រជាប្រិយ និងតារាសម្ដែងជិត ២ ពាន់នាក់ មកចូលរួមក្នុងកម្មវិធីនេះផងដែរ។

សូមគូសបញ្ជាក់ថា Carnaval គឺជាព្រឹត្តិការណ៍ដ៏សំខាន់របស់ខេត្ត Quang Ninh ដើម្បីបើករដូវទេសចរណ៍រដូវក្តៅរបស់ទីក្រុងហាឡុង និងតំបន់ផ្សេងៗទៀតក្នុងខេត្ត។ ទន្ទឹមនឹងកម្មវិធី Carnaval ទីក្រុងហាឡុង នឹងរៀបចំសកម្មភាពវប្បធម៌ សិល្បៈ កីឡា និងទេសចរណ៍ជាច្រើន។ ឆ្នាំនេះជាឆ្នាំទី ១៥ ហើយ ដែលពិធីបុណ្យនេះត្រូវបានរៀបចំឡើង៕