អ្នកនាំពាក្យក្រសួងការបរទេសវៀតណាមលោកស្រី Pham Thu Hang។ (រូបថត៖ ក្រសួងការបរទេស)

នាថ្ងៃទី២៤ ខែកក្កដា ឆ្លើយតបនឹងសំណួររបស់អ្នកសារព័ត៌មានអំពីប្រតិកម្មរបស់វៀតណាមចំពោះការវិវឌ្ឍន៍ដ៏តានតឹងនៅតំបន់ព្រំដែនកម្ពុជា-ថៃ អ្នកនាំពាក្យក្រសួងការបរទេសវៀតណាមលោកស្រី Pham Thu Hang បានលើកច្បាស់ថា៖ “វៀតណាមសម្តែងការព្រួយបារម្ភអំពីការវិវឌ្ឍន៍ដ៏តានតឹងនាពេលបច្ចុប្បន្ននៅតំបន់ព្រំដែនកម្ពុជា-ថៃ។ ថៃ និងកម្ពុជាគឺជាអ្នកជិតខាងរបស់គ្នា និងរបស់វៀតណាម ព្រមទាំងជាសមាជិកនៃសមាគមប្រជាជាតិអាស៊ីអាគ្នេយ៍ - អាស៊ានផងដែរ។ ប្រការដ៏សំខាន់បំផុតនាពេលនេះ គឺភាគីទាំងពីររក្សាការអត់ធ្មត់ខ្ពស់បំផុត មិនប្រើប្រាស់កម្លាំង មិនបណ្តោយឱ្យភាពតានតឹងកើនឡើង ហើយដោះស្រាយការខ្វែងគំនិតគ្នាដោយសន្តិវិធី និងសមហេតុផល ដោយឈរលើគោលការណ៍ជាមូលដ្ឋាននៃច្បាប់អន្តរជាតិ ធម្មនុញ្ញអង្គការសហប្រជាជាតិ ធម្មនុញ្ញអាស៊ាន សន្ធិសញ្ញាមិត្តភាពនិងសហប្រតិបត្តិការនៅអាស៊ីអាគ្នេយ៍ (TAC) និងឈរលើស្មារតីមិត្តភាព សាមគ្គីភាពរបស់អាស៊ាន ដើម្បីផលប្រយោជន៍ដ៏យូរអង្វែងនៃភាគីទាំងពីរនិងតំបន់ទាំងមូល”៕