យោងតាមរបាយការណ៍សន្ទស្សន៍សមត្ថភាពអភិវឌ្ឍន៍ទេសចរណ៍ (TTDI) ឆ្នាំ ២០២៦ របស់វេទិកាសេដ្ឋកិច្ចពិភពលោក (WEF) ប្រទេសវៀតណាមសម្រេចបាន ៤,១៥ ពិន្ទុ ជាប់ចំណាត់ថ្នាក់ទី ៥២ ក្នុងចំណោមសេដ្ឋកិច្ចចំនួន ១១០ ហើយបានឡើងចំណាត់ថ្នាក់ ៧ កាំបើប្រៀបធៀបទៅនឹងឆ្នាំ ២០២៤។

គួរឲ្យកត់សម្គាល់ថា វៀតណាមស្ថិតក្នុងចំណោមសេដ្ឋកិច្ចទាំង ១០ ដែលមានការកែលម្អពិន្ទុ TTDI ច្រើនជាងគេក្នុងដំណាក់កាលឆ្នាំ ២០២៤ - ២០២៦។ ពិន្ទុរបស់វៀតណាមបានកើនឡើង ៦,៣% ជាប់ចំណាត់ថ្នាក់លេខ ២ ក្នុងក្រុមនេះ នៅពីក្រោយប្រទេសអាល់បានី ដោយមានកំណើន ៧%។

TTDI វាយតម្លៃអំពីកត្តា និងគោលនយោបាយដែលបង្កើតមូលដ្ឋានគ្រឹះសម្រាប់ការអភិវឌ្ឍប្រកបដោយចីរភាព និងភាពធន់នៃឧស្សាហកម្មទេសចរណ៍ និងការធ្វើដំណើរ។ សន្ទស្សន៍នេះមិនវាស់វែងដោយផ្ទាល់នូវចំនួនភ្ញៀវទេសចរ កម្រិតការចំណាយ ឬប្រាក់ចំណូលទេសចរណ៍នោះទេ ប៉ុន្តែផ្តោតលើលក្ខខណ្ឌដែលអនុញ្ញាតឱ្យគោលដៅមានសមត្ថភាពទាក់ទាញ បម្រើ និងរក្សាសកម្មភាពទេសចរណ៍ក្នុងរយៈពេលវែង៕