ឧបនាយករដ្ឋមន្ត្រី Tran Luu Quang បានទទួលជួបអគ្គនាយករងនៃទីភ្នាក់ងារថាមពលបរមាណូអន្តរជាតិ (IAEA) Hua Liu ដែលកំពុងបំពេញទស្សនកិច្ចនៅវៀតណាម (រូបថត៖ VGP/Hai Minh)

នៅក្នុងជំនួបនេះ លោកឧបនាយករដ្ឋមន្ត្រីមានបំណងចង់ឲ្យ IAEA នឹងបន្តកិច្ចសហប្រតិបត្តិការជាមួយវៀតណាម ជាពិសេសក្នុងការកសាងគោលនយោបាយ និងបណ្តុះបណ្តាលធនធានមនុស្សសម្រាប់វិស័យថាមពលបរមាណូ។ វៀតណាមប្តេជ្ញាបំពេញកាតព្វកិច្ចរបស់ខ្លួន និងរួមចំណែកប្រកបដោយការទទួលខុសត្រូវចំពោះរាល់សន្ធិសញ្ញាអន្តរជាតិ ដែលវៀត ណាមជាសមាជិក ជាពិសេសពាក់ព័ន្ធនឹងការគ្រប់គ្រងលើសុវត្ថិភាព  សន្តិសុខ ការប្រយុទ្ធប្រឆាំងនឹងការជួញដូរ និងដឹកជញ្ជូនខុសច្បាប់ សារធាតុវិទ្យុសកម្ម សារធាតុនុយក្លេអ៊ែរ និងការប្រឆាំងការរីកសាយភាយអាវុធ នុយក្លេអ៊ែរ។ តាមនោះ រួមចំណែកទៅក្នុងកិច្ចខិតខំប្រឹងប្រែងរបស់ IAEA ក្នុងការដោះស្រាយបញ្ហាកង្វល់រួមរបស់សហគមន៍អន្តរជាតិ និងជំរុញការអនុវត្តបច្ចេកវិទ្យានុយក្លេអ៊ែរក្នុងគោលបំណងសន្តិភាព លោកឧបនាយករដ្ឋមន្ត្រីបានអះអាងថា វៀតណាមជានិច្ចកាលគាំទ្រតួនាទីស្នូល និងនាំមុខរបស់ IAEA ក្នុងការបង្កើតស្តង់ដារ និងក្របខ័ណ្ឌស្តីពីសុវត្ថិភាព និងសន្តិសុខនុយក្លេអ៊ែរ ជាពិសេសសម្រាប់បច្ចេកវិទ្យានុយក្លេអ៊ែរដែលទើបនឹងលេចចេញ។

ចំណែកលោក Hua Liu អគ្គនាយករង IAEA បានឲ្យដឹងថា IAEA នឹងបន្តកិច្ចសហប្រតិបត្តិការជាមួយវៀតណាម ជាពិសេសក្នុងជំនួយបច្ចេក ទេស ការបណ្តុះបណ្តាលសមត្ថភាព ការកែលម្អហេដ្ឋារចនាសម្ព័ន្ធ  បទប្បញ្ញត្តិធានាសុវត្ថិភាព និងសន្តិសុខនុយក្លេអ៊ែរ ជំរុញការអនុវត្តបច្ចេកទេស នុយក្លេអ៊ែរក្នុង ការអភិវឌ្ឍន៍កសិកម្មឆ្លាតវៃ៕