នេះគឺជាកិច្ចប្រជុំរដ្ឋមន្ត្រីដ៏សំខាន់បំផុតប្រចាំឆ្នាំ ដើម្បីផ្លាស់ប្តូរទស្សនៈលើបញ្ហាសំខាន់ៗ នៃសេដ្ឋកិច្ចតំបន់ ពិនិត្យឡើងវិញនូវលទ្ធផលនៃកិច្ចសហប្រតិបត្តិការក្នុងឆ្នាំ និងរៀបចំខ្លឹមសារសម្រាប់កិច្ចប្រជុំកំពូល APEC លើកទី ៣៣ នៅទីក្រុង Shenzhen ប្រទេសចិន។ កិច្ចប្រជុំនេះផ្តោតលើការពិភាក្សាលើប្រធានបទសំខាន់ចំនួន​ពីរគឺ កិច្ចសហប្រតិបត្តិការឆ្ពោះទៅ សហគមន៍អាស៊ី-ប៉ាស៊ីហ្វិក និងការលើកកម្ពស់ការធ្វើសមាហរណកម្មសេដ្ឋកិច្ចសម្រាប់កំណើនតំបន់។

ថ្លែងនៅក្នុងកិច្ចប្រជុំនេះ រដ្ឋមន្ត្រីក្រសួងការបរទេសលោក ឡេ ហ័យ ជុង បានដាក់ចេញនូវសំណើទិសដៅចំនួន​បីសម្រាប់តំបន់នេះ។ ទីមួយ ការកសាងតំបន់អាស៊ី-ប៉ាស៊ីហ្វិកប្រកបដោយភាពច្នៃប្រឌិតនិងមានផលិតភាព តាមរយៈជំរុញការអនុវត្តប្រកបដោយការទទួលខុសត្រូវ និងប្រសិទ្ធភាពនៃបញ្ញាសិប្បនិម្មិត (AI) និងបច្ចេកវិទ្យាឌីជីថល បង្កើតបរិយាកាសអំណោយផលសម្រាប់ការស្រាវជ្រាវនិងអភិវឌ្ឍន៍ ដោយអភិវឌ្ឍបណ្តាញនវានុវត្តន៍ក្នុងតំបន់ និងកម្លាំងពលកម្មដែលមានជំនាញដែលបំពេញតម្រូវការនាពេលអនាគត។ ទីពីរ កសាងតំបន់អាស៊ី-ប៉ាស៊ីហ្វិកដែលបើកចំហ និងមានការតភ្ជាប់គ្នា សម្រួលដល់លំហូរទំនិញ និងសេវាកម្ម ដោះស្រាយបញ្ហាកកស្ទះនៅក្នុងខ្សែសង្វាក់ផ្គត់ផ្គង់ ពង្រឹងការតភ្ជាប់ស្ថាប័ន ហេដ្ឋារចនាសម្ព័ន្ធ និងឌីជីថល និងជំរុញការផ្លាស់ប្តូររវាងប្រជាជន និងប្រជាជន។ ទីបី កសាងតំបន់អាស៊ី-ប៉ាស៊ីហ្វិកដែលធន់ និងស្វាហាប់ ដោយផ្តោតលើកិច្ចសហប្រតិបត្តិកា រដើម្បីធានាសន្តិសុខស្បៀង និងថាមពល គ្រប់គ្រងធនធានប្រកបដោយចីរភាព បង្កើនភាពធន់នឹងផលប៉ះពាល់ពីខាងក្រៅ។ ក្នុងពេលជាមួយគ្នានេះ លើកកម្ពស់ការសម្របសម្រួលគោលនយោបាយ និងបង្កើនសមត្ថភាពក្នុងការឆ្លើយតបទៅនឹងហានិភ័យដែលកំពុងលេចចេញឡើង ដែលរួមចំណែកដល់ការរក្សាកំណើនប្រកបដោយចីរភាពរបស់តំបន់៕