នាថ្ងៃទី១៥ ខែឧសភា ឆ្នាំ២០១៨ ក្រុមត្រួតពិនិត្យរបស់សហភាពអឺរ៉ុប (EU) បានមកកាន់វៀតណាម ជួបធ្វើការជាមួយក្រសួងកសិកម្មនិងអភិវឌ្ឍន៍ជនបទវៀតណាម ក៏ដូចជាតំបន់ឆ្នេរសមុទ្រ និងសហគ្រាសកែច្នៃនាំចេញជលផលនានា ដើម្បីត្រួតពិនិត្យនិងវាយតំលៃឡើងវិញ នូវលទ្ធផលដែលវៀតណាមធ្វើបាន ក្នុងការជំនះពុះពារលើ “កាតលឿង” របស់គណៈកម្មាធិការអឺរ៉ុប (EC) ដាក់លើការនាំចេញជលផលនេសាទ របស់វៀតណាមទៅក្នុងទីផ្សារអឺរ៉ុប។
មុននឹងដំណើរទស្សនកិច្ចរបស់ក្រុមត្រួតពិនិត្យ EU នាថ្ងៃទី១៤ ឧសភា រដ្ឋមន្រ្តីក្រសួងកសិកម្មនិងអភិវឌ្ឍន៍ជនបទវៀតណាម លោក Nguyen Xuan Cuong បានជួបធ្វើការជាមួយអគ្គនាយកដ្ឋានជលផល។ ស្ដីពីលទ្ធផលដែលវៀតណាមទទួលបានក្នុងការជំនះពុះពារលើ “កាតលឿង” របស់ EC នោះ រដ្ឋមន្រ្តីលោក Nguyen Xuan Cuong ឲ្យដឹងថា រហូតមកដល់ពេលនេះ វៀតណាមបានសម្រេចតាមជំហានៗនូវអនុសាសន៍ទាំង៩ ដែល EC ដាក់ចេញ ដើម្បីធានាការប្រកបរបរនេសាទឲ្យមានការទទួលខុសត្រូវនិងចីរភាព។ ខ្លឹមសារក្នុងអនុសាសន៍ទាំង៩ខាងលើ ត្រូវបានបញ្ចូលក្នុងច្បាប់ជលផលដែលបានរដ្ឋសភាអនុម័ត៕
តាម VOV5 - វិទ្យុសំឡេងវៀតណាម