នាថ្ងៃទី ១ ខែកុម្ភៈ ឆ្នាំ២០១៩ នៅអេហ្ស៊ីបបានប្រព្រឹត្តិទៅបុណ្យតេតសហគមន៍វៀតណាម ដោយមានការចូលរួមរបស់តំណាងអង្គទូតនៃបណ្ដាប្រទេសប្រចាំនៅរដ្ឋធានីគែរ និងសហគមន៍ជនវៀតណាម ដែលកំពុងរស់នៅ ធ្វើការ និងសិក្សារៀនសូត្រនៅ អេហ្ស៊ីបយ៉ាងច្រើនកុះករ។

បុណ្យតេតសហគមន៍រនៅអេហ្ស៊ីប  (រូបថត: VOV)

អញ្ជើញថ្លែងនៅទីនេះ ឯកអគ្គរដ្ឋទូតវៀតណាមប្រចាំនៅអេហ្ស៊ីប លោក Tran Thanh Cong បានឱ្យដឹងថា៖

“នេះគឺជាលើកដំបូងហើយ ដែលយើងខ្ញុំបានរៀបចំបុណ្យតេតសហគមន៍ នៅអេហ្ស៊ីប។ ខ្ញុំមានក្ដីសប្បាយរីករាយណាស់ ដោយសារប្រជាជននៃសហគមន៍មានចំណាប់អារម្មណ៍ចំពោះមុខម្ហូបនានា ដូចជានំអន្សម ឬនំប្រពៃណី​របស់វៀតណាម។ ទន្ទឹមនឹងនេះ មិត្តភក្តិអេហ្ស៊ីបដែលបានអញ្ជើញមកចូលរួមយ៉ាងច្រើនកុះករ ក៏ ទទួល​បានបរិយាកាសអំណរបុណ្យតេតប្រពៃណីជាតិវៀតណាមផងដែរ។ ចំពោះជនវៀតណាមនៅឯបរទេស ព្រឹត្តិការណ៍នេះបានជួយបង្កើតក្ដីស្នេហាជាតិផងដែរ។”

ក្នុងពេលនោះ នាថ្ងៃទី ១ ខែកុម្ភៈ ឆ្នាំ២០១៩ ឯកអគ្គរដ្ឋទូតវៀតណាមប្រចាំនៅអាល់ហ្សេរីលោក Pham Quoc Tru បានអញ្ជើញទៅសួរសុខទុក្ខ ជូនអំណោយ និងជូនពរបុណ្យតេតចំពោះកម្មករវៀតណាមដែលកំពុងធ្វើការនៅគម្រោងការណ៍ Tipaza នៅខេត្ត Tipaza ផងដែរ៕
 

តាម VOV5- វិទ្យុសម្លេងវៀតណាម