នាព្រឹកថ្ងៃទី១៣ ខែវិច្ឆិកា ឆ្នាំ២០២២ បន្តសកម្មភាពក្នុងក្របខណ្ឌនៃកិច្ចប្រជុំកំពូលអាស៊ានលើកទី៤០ និងទី៤១ និងកិច្ចប្រជុំពាក់ព័ន្ធនានា នៅរាជធានីភ្នំពេញ ប្រទេសកម្ពុជា នាយករដ្ឋមន្ត្រី លោក Pham Minh Chinh បានអញ្ជើញចូលរួម និងថ្លែងសុន្ទរកថាក្នុងកិច្ចសន្ទនាអាស៊ានសកលលើកទី២ ក្រោមប្រធាន បទ “ការស្តារឡើងវិញយ៉ាងទូលំទូលាយក្រោយជំងឺកូវីដ ១៩”។
លោកនាយករដ្ឋមន្ត្រីក្នុងកិច្ចសន្ទនាសកលអាស៊ាន (រូបថត៖ VGP/Nhat Bac)
នៅក្នុងកិច្ចសន្ទនានេះ នាយករដ្ឋមន្ត្រីលោក Pham Minh Chinh បានអះអាងថា វៀតណាមត្រៀមខ្លួនជាស្រេចដើម្បីរួមចំណែកក្នុងកិច្ចខិតខំប្រឹងប្រែងរួម ក្នុងការកសាងសមាគមប្រជាជាតិអាស៊ីអាគ្នេយ៍ (អាស៊ាន) ដើម្បីការអភិវឌ្ឍប្រកបដោយបរិយាប័ន្ន និរន្តរភាព និងមានភាពធន់។ លោកនាយករដ្ឋមន្ត្រីក៏បានស្នើរទិសដៅកិច្ចសហប្រតិបត្តិការជាអាទិភាពមួយចំនួន ដោយសង្កត់ធ្ងន់លើតម្រូវការធានាតុល្យភាពយុទ្ធសាស្ត្ររវាងកំណើន អតិផរណា និងការងារ ផ្តោតលើស្ថិរភាពម៉ាក្រូសេដ្ឋកិច្ច រក្សាស្ថិរភាពខ្សែសង្វាក់ផ្គត់ផ្គង់ក្រោយជំងឺកូវីដ-១៩ តាមរយៈការលើកកម្ពស់ការធ្វើពិពិធកម្មទីផ្សារ និងផលិតផល ការសម្របសម្រួលនៃបែបបទពាណិជ្ជកម្ម និងគយ ពាក់ព័ន្ធនឹងការធានាសន្តិសុខស្បៀងអាហារ និងថាមពល។ ទន្ទឹមជាមួយគ្នានោះ ត្រូវជំរុញការអភិវឌ្ឍធនធានមនុស្ស យកមនុស្សជាគោលដៅ ធនធាន និងជាការលើកទឹកចិត្តក្នុងការអភិវឌ្ឍ បណ្តុះបណ្តាលកម្មករប្រកបដោយគុណភាពខ្ពស់ ពង្រឹងការតភ្ជាប់ហេដ្ឋារចនាសម្ព័ន្ធជាយុទ្ធសាស្ត្រ; ការស្តារបៃតងជាមួយនឹងវិធីសាស្រ្តសមធម៌ ដែលប្រទេសអភិវឌ្ឍន៍ផ្តល់ការគាំទ្រផ្នែកហិរញ្ញវត្ថុ និងការផ្ទេរបច្ចេកវិទ្យា; យកចិត្តទុកដាក់ចំពោះការអភិវឌ្ឍប្រកបដោយសុខដុមរមនានៃសេដ្ឋកិច្ច បរិស្ថាន និងសន្តិសុខសង្គម៕