ជំនួបធ្វើការរវាងគណប្រតិភូវៀតណាមជាមួយអាហ្រ្វិកខាងត្បូង
សហគ្រាសវៀតណាម និងអាហ្រ្វិកខាងត្បូងចំនួនរាប់សិបអង្គភាព បានចូលរួមសិក្ខាសាលានេះ ដើម្បីស្វែងយល់អំពីរាល់បញ្ហា ដែលទាក់ទិននឹងការវិនិយោគធ្វើអាជីវកម្ម។
នាថ្ងៃទី២៦ ខែមិថុនា ឆ្នាំ២០១៨ បន្តកម្មវិធីពន្លឿនពាណិជ្ជកម្ម ក្នុងឱកាសចូលរួមពិព័រណ៍ពាណិជ្ជកម្មអន្តរជាតិ SAITEX ២០១៨ នៅ អាហ្វ្រិកខាងត្បូងនោះ ស្ថានទូតវៀតណាមប្រចាំ នៅអាហ្វ្រិកខាងត្បូង ក្រសួងឧស្សាហពាណិជ្ជកម្មវៀតណាម និងសភាពាណិជ្ជកម្មនិងឧស្សាហកម្មទីក្រុង Johannesburg បានសហការរៀបចំសិក្ខាសាលា ក្រោមប្រធានបទ "ការធ្វើអាជីវកម្មជាមួយវៀតណាមឆ្នាំ ២០១៨" ។ សហគ្រាសវៀតណាម និងអាហ្រ្វិកខាងត្បូងចំនួនរាប់សិប អង្គភាពបានចូលរួមសិក្ខាសាលានេះ ដើម្បីស្វែងយល់អំពីរាល់បញ្ហា ដែលទាក់ទិននឹងការវិនិយោគធ្វើអាជីវកម្ម ដូចជាគោលនយោបាយពន្ធ គោលនយោបាយអនុគ្រោះ ការធ្វើអន្តរាគមន៍និង ការព្រមានទាន់ពេលវេលា អំពីហានិភ័យក្នុងការធ្វើអាជីវកម្ម ការជ្រៀតចូលពីទីផ្សារអាហ្វ្រិកខាងត្បូងទៅកាន់ទីផ្សារអាហ្វ្រិកផ្សេងទៀត។
អញ្ជើញថ្លែងមតិនៅទីនេះ ឯកអគ្គរដ្ឋទូតវៀតណាមប្រចាំនៅអាហ្រ្វិកខាងត្បូង លោក Vu Van Dung បានសង្កត់ធ្ងន់ថានេះ គឺជាសកម្មភាពការទូតដើម្បីបម្រើវិស័យសេដ្ឋកិច្ច ហើយស្ថិតក្នុងសកម្មភាពរំលឹកខួបអនុស្សាវរីយ៍លើកទី ២៥ ទិវាបង្កើតទំនាក់ទំនងនៃប្រទេសទាំងពីរ។ លោក Vu Van Dung បានឲ្យដឹងថា៖ រាល់សកម្មភាពពាណិជ្ជកម្មទាំងនេះ គឺសំដៅអនុវត្តន៍ជាក់ស្ដែងគោលដៅរបស់ ប្រធានាធិបតី លោក Cyril Ramaphosa នៅពេលបំពេញដំណើរទស្សកិច្ចនៅវៀតណាមនាឆ្នាំ ២០១៦ ពៅលគឺលើកកម្ពស់ទំហំពាណិជ្ជកម្មទ្វេភាគីឡើងដល់ 1,5 ពាន់លានដុល្លារអាមេរិកនាឆ្នាំ ២០២០ ផងដែរ៕
តាម VOV5 - វិទ្យុសំឡេងវៀតណាម