ទិដ្ឋភាពនៃកិច្ចប្រជុំ
នាពេលល្ងាចថ្ងៃទី១៧ ខែមេសា ឆ្នាំ២០១៧ ក្នុងឱកាសដឹកនាំគណៈប្រតីភូវៀតណាមទៅបំពេញទស្សនកិច្ចការងារ នៅចិន និងចូលរួមកិច្ចប្រជុំលើកទី១០ នៃគណៈកម្មាធិការបញ្ជាណែនាំ កិច្ចសហប្រតិបត្តិការទ្វេភាគីវៀតណាម ចិន តាមសេចក្តីអញ្ជើញរបស់សមាជិកក្រុមប្រឹក្សារដ្ឋចិន លោក Yang Jiechi ឧបនាយរដ្ឋមន្ត្រី និងជារដ្ឋមន្ត្រីការបរទេសវៀតណាម លោក Pham Binh Minh បានអញ្ជើញជួបសន្ទនាជាមួយ លោក Yu Zhengsheng ប្រធានសភាប្រឹក្សានយោបាយប្រជាជនទូទាំងប្រទេសចិន នៅទីក្រុងប៉េកាំង។ ក្នុងជំនួបនេះ លោក Pham Binh Minh បានអះអាងថា បក្ស រដ្ឋ និងប្រជាជនវៀតណាមជានិច្ចកាលយកចិត្តទុកដាក់ លើការអភិវឌ្ឍន៍ស្ថិរភាពនិងប្រកបដោយចីរភាពសម្រាប់ទំនាក់ទំនងសហប្រតិបត្តិការយុទ្ធសាស្ត្រ លើគ្រប់វិស័យ ជាមួយបក្ស រដ្ឋ និងប្រជាជនចិន។ ឧបនាយករដ្ឋមន្ត្រីនិងជារដ្ឋមន្ត្រីការបរទេសវៀតណាម លោក Pham Binh Minh បានសង្កត់ធ្ងន់ថា ភាគីទាំងពីរគប្បីរក្សាការផ្លាស់ប្តូរគណៈប្រតិភូបង្កើនការជឿជាក់នយោបាយ ជាពិសេស ពង្រឹងនិងពង្រីកទំនាក់ទំនង មិត្តភាពជាប្រពៃណី រវាងប្រទេសទាំងពីរ។ តាមលោក Pham Binh Minh ថាគ្រប់គ្រង ល្អការខ្វែងគំនិត ដោះស្រាយដោយសន្តិវិធីជំលោះ លើសមុទ្រឲ្យសមស្រប នឹងច្បាប់ អន្តរជាតិនិងអនុសញ្ញាអ.ស.ប ស្តីពីច្បាប់សមុទ្រឆ្នាំ១៩៨២ គឺសមស្របនឹងផលប្រយោជន៍សារវ័ន្តរបស់ប្រទេសទាំងពីរ ក៏ដូចជាមានអត្ថប្រយោជន៍សម្រាប់ការរក្សាសន្តិភាព និងស្ថិរភាពក្នុងតំបន់និងលើពិភពលោក។
រីឯខ្លួនវិញ ប្រធានសភាប្រឹក្សានយោបាយប្រជាជនទូទាំងប្រទេសចិន លោក Yu Zhengsheng បានអះអាងថា ចិនគោរពនិងមានបំណងជម្រុញទំនាក់ទំនងអ្នកជិតខាងជាប្រពៃណី និងកិច្ចសហប្រតិបត្តិការ លើគ្រប់វិស័យជាមួយវៀតណាម។ ចិនត្រៀមជាស្រេចរួមជាមួយវៀតណាមបង្កើន កិច្ចសហប្រតិបត្តិការលើគ្រប់វិស័យ គ្រប់គ្រងល្អការខ្វែងគំនិតលើសមុទ្រ រួមចំណែករក្សាសន្តិភាព ស្ថិរភាព និងភាពសម្បូររុងរឿងក្នុងតំបន់៕
តាម VOV5 - វិទ្យុសំឡេងវៀតណាម