ក្នុងរយៈពេល២ថ្ងៃទី៩ និងទី១០ ខែមីនា ឆ្នាំ២០២២ កិច្ចប្រជុំក្រុមការងារចរាចរណ៍តាម សមុទ្រអាស៊ាន (MTWG) នឹងប្រារព្ធធ្វើឡើងនៅរដ្ឋធានីហាណូយ (វៀតណាម)។ ក្នុង បរិបទដែលជម្ងឺរាតត្បាត កូវីដ-១៩នៅតែមានការវិវឌ្ឍន៍យ៉ាងស្មុគស្មាញ កិច្ចប្រជុំ MTWG លើកទី៤២ នឹងប្រព្រឹត្តទៅតាមប្រព័ន្ធវីដេអូ។ អញ្ជើញចូលរួមកិច្ចប្រជុំ មាន តំណាងប្រទេសសមាជិកអាស៊ានទាំង១០ លេខាធិការដ្ឋានអាស៊ាន អង្គការនាវាចរណ៍ អន្តរជាតិ (IMO) ដៃគូសន្ទនានិងសមាគមន៍តំបន់នានារបស់អាស៊ាន។

នៅកិច្ចប្រជុំលើកនេះ ក្រុមការងារ MTWG អាស៊ាន នឹងបន្តពិភាក្សាអំពីការ អនុវត្តផែនការយុទ្ធសាស្ត្រចរាចរណ៍ដឹកជញ្ជូនទីក្រុង Kuala Lumpur ដំណាក់កាល ២០១៦-២០២៥ គំនិតផ្ដួចផ្ដើមថ្មីៗក្នុងវិស័យចរាចរណ៍តាមសមុទ្រ វឌ្ឍនភាពក្នុងការ អនុវត្តផែនការធ្វើសកម្មភាពដំណាក់កាល២០២២-២០២៣ កិច្ចសហប្រតិបត្តិការ ជាមួយ IMO ដៃគូសន្ទនា និងសមាគមន៍តំបន់របស់អាស៊ាន។

គួរជម្រាបបន្ថែមថា កិច្ចប្រជុំ MTWG ត្រូវបានប្រទេសអាស៊ានទាំង១០ទទួល រៀបចំដោយប្ដូរវេនជារៀងរាល់២ឆ្នាំម្ដង។ វៀតណាមទទួលរៀបចំកិច្ចប្រជុំ MTWG ដំណាក់កាល២០២២-២០២៣ ដោយមានកិច្ចប្រជុំចំនួន២លើកក្នុងមួយឆ្នាំ៕