វៀតណាមជាដៃគូប្រពៃណីរបស់រុស្ស៊ីនៅអាស៊ី-ប៉ាស៊ីហ្វីក
នាយឧត្តមសេនីយ៍ Ngo Xuan Lich រដ្ឋមន្ត្រីក្រសួងការពារប្រទេសវៀតណាម បានមានជំនួបសន្ទនា ជាមួយឧត្តមសេនីយ៍ទោ Alexander Fomin អនុរដ្ឋមន្ត្រីក្រសួងការពារជាតិរុស្ស៊ី នាថ្ងៃទី២២ ខែវិច្ឆិកា ឆ្នាំ២០១៧ ក្នុងឱកាសមកបំពេញទស្សនកិច្ចនៅវៀតណាម ចាប់ពីថ្ងៃទី២២ ដល់ថ្ងៃទី២៣ ខែវិច្ឆិកា។
នៅក្នុងជំនួបនេះ នាយឧត្តមសេនីយ៍ Ngo Xuan Lich បានស្នើអោយក្រសួងការពារជាតិ នៃប្រទេសទាំងពីរ បន្តបង្កើនកិច្ចសហប្រតិបត្តិការ លើគ្រប់វិស័យដែលបានយកចិត្តទុកដាក់ដូចគ្នា និងស្នើអោយភាគីរុស្ស៊ី បន្តផ្តល់អាហារូបករណ៍ ចំពោះវៀតណាមផងដែរ។
រីឯ ឧត្តមសេនីយ៍ទោ Alexander Fomin បានអះអាងថា៖ វៀតណាមជាដៃគូប្រពៃណី និងសំខាន់របស់រុស្ស៊ីនៅតំបន់អាស៊ី-ប៉ាស៊ីហ្វីក ហើយរុស្ស៊ីនឹងបន្តជំរុញ កិច្ចសហប្រតិបត្តិការការពារជាតិជាមួយវៀតណាម។
មុននោះ នៅទីក្រុងហាណូយ បានប្រារព្ធឡើងជំនួបសន្ទនាយុទ្ធសាស្ត្រការពារជាតិថ្នាក់អនុរដ្ឋមន្ត្រីក្រសួងការពារជាតិ លើកទី៣ រវាងវៀតណាមនិងរុស្ស៊ី៕
តាម VOV5 - វិទ្យុសម្លេងវៀតណាម