ក្នុងជំនួបនេះ នាយករដ្ឋមន្ត្រីលោក ហ្វាម មិញ ជិញ អញ្ជើញថ្លែងអំណរគុណសម្តេច ហ៊ុន សែន និងគណៈប្រតិភូជាន់ខ្ពស់កម្ពុជា ដែលបានអញ្ជើញមកចូលរួមអបអរសាទរជាមួយប្រជាជនវៀតណាម និងបានបញ្ជូនកងកម្លាំងយោធាកម្ពុជាមកចូលរួមក្នុងពិធីធ្វើក្បួនព្យុហយាត្រា ខួបលើកទី ៥០ នៃទិវារំដោះភាគខាងត្បូង បង្រួបបង្រួមប្រទេសជាតិ។ លោកនាយករដ្ឋមន្ត្រីវៀតណាមបានអះអាងថា ដើម្បីសម្រេចបានមហាជ័យជម្នះថ្ងៃទី ៣០ ខែមេសា ក៏ដូចជាសម្រេចបានសមិទ្ធផលជាច្រើនដូចសព្វថ្ងៃ វៀតណាមតែងតែចងចាំជានិច្ចនូវ ការគាំទ្រយ៉ាងស្មោះស្ម័គ្រពីមិត្តភក្តិអន្តរជាតិ ប្រទេសជិតខាងជិតស្និទ្ធ ក្នុងនោះមានការគាំទ្រ និងជំនួយដ៏មានតម្លៃរបស់អតីតព្រះមហាក្សត្រ នរោត្តម សីហនុ ថ្នាក់ដឹកនាំច្រើនជំនាន់ និងប្រជាជនកម្ពុជា។ ជានិច្ចកាល វៀតណាមតែងតែយកចិត្តទុកដាក់យ៉ាងខ្លាំង ប្រកៀកស្មារ ផ្សាភ្ជាប់ និងអភិវឌ្ឍន៍ទំនាក់ទំនងវៀតណាម - កម្ពុជា ក៏ដូចជាទំនាក់ទំនងវៀតណាម - កម្ពុជា - ឡាវ ប្រកបដោយប្រសិទ្ធភាពលើគ្រប់វិស័យ នាំមកនូវផលប្រយោជន៍ជាក់ស្តែងជូនប្រជាជននៃប្រទេសនីមួយៗ។

ចំណែកខ្លួនវិញ សម្តេច តេជោ ហ៊ុន សែន បានបញ្ជាក់ថា ជ័យជម្នះជាប្រវត្តិសាស្ត្រ ៣០ មេសា ១៩៧៥ មិនត្រឹមតែជាជ័យជំនះរបស់ប្រជាជនវៀតណាមប៉ុណ្ណោះទេ ប៉ុន្តែក៏ជាផលប្រយោជន៍រួមរបស់ប្រជាជននៃប្រទេសទាំងបី វៀតណាម-ឡាវ-កម្ពុជា ក្នុងការតស៊ូរំដោះជាតិ; បានបញ្ជាក់ថា កម្ពុជាមានមោទនភាពដែលមានវៀតណាមជាអ្នកជិតខាងដ៏ល្អ ហើយជឿជាក់យ៉ាងមុតមាំថា វៀតណាមនឹងបន្តអភិវឌ្ឍn^យ៉ាងខ្លាំងក្លានាពេលខាងមុខ៕