រដ្ឋមន្ត្រីការបរទេស លោក Bui Thanh Son បានដឹកនាំគណៈប្រតិភូវៀតណាមចូលរួមកិច្ចប្រជុំរដ្ឋមន្ត្រីការបរទេសនៃកិច្ចប្រជុំកំពូលអាស៊ីបូព៌ា (EAS) (រូបថត៖ Tuan Anh)  

អញ្ជើញថ្លែងមតិក្នុងកិច្ចប្រជុំ រដ្ឋមន្ត្រី លោក Bui Thanh Son បានគូសបញ្ជាក់ពីសារៈសំខាន់នៃកិច្ចសន្ទនា ការជឿទុកចិត្ត និងការទទួលខុសត្រូវ ព្រមទាំងបញ្ជាក់ឡើងវិញនូវគោលជំហរជាគោលការណ៍របស់អាស៊ានលើបញ្ហានានាក្នុងស្ថានភាពអន្តរជាតិបច្ចុប្បន្ន។ លោករដ្ឋមន្ត្រីការបរទេសវៀតណាមបានអំពាវនាវឱ្យប្រទេសនានារួមចំណែកកសាងសមុទ្រខាងកើតទៅជាសមុទ្រសន្តិភាព ស្ថិរភាព សុវត្ថិភាព សន្តិសុខ បើកចំហនិងសេរីភាព; ជម្លោះទាំងអស់គួរតែត្រូវបានដោះស្រាយដោយសន្តិវិធីដោយផ្អែកលើច្បាប់អន្តរជាតិ (UNCLOS ១៩៨២)។ វៀតណាមប្តេជ្ញាធ្វើការជាមួយបណ្តាប្រទេសអាស៊ាន និងចិនដើម្បីអនុវត្តយ៉ាងពេញលេញនូវសេចក្តីប្រកាស DOC ហើយខិតខំដើម្បីសម្រេចបាននូវក្រមសីលធម៌ COC ប្រកបដោយសុពលភាព និងប្រសិទ្ធភាពក្នុងពេលឆាប់ៗ ស្របតាមច្បាប់អន្តរជាតិ។

នៅចំពោះមុខការវិវឌ្ឍថ្មីៗក្នុងតំបន់ លោករដ្ឋមន្ត្រីបានរំលឹកឡើងវិញនូវជំហររបស់អាស៊ាននិងវៀតណាម ដោយគាំទ្រគោលនយោបាយ "ចិនតែមួយ" និងអំពាវនាវឱ្យភាគីទាំងអស់អនុវត្តការអត់ធ្មត់ ជៀសវាងធ្វើឱ្យស្ថានការណ៍ស្មុគស្មាញ និងដោះស្រាយការខ្វែងគំនិតគ្នាដោយសន្តិវិធី ដោយគោរពតាមច្បាប់អន្តរជាតិ ធម្មនុញ្ញអង្គការសហប្រជាជាតិ និងសន្ធិសញ្ញាមិត្តភាព និងកិច្ចសហប្រតិបត្តិការនៅអាស៊ីអាគ្នេយ៍ (TAC) ផងដែរ៕