រូបថត៖ vov.vn

ចាប់តាំងពីពេលក្លាយជាសមាជិកនៃអនុសញ្ញា (ថ្ងៃទី ៧ ខែមីនាឆ្នាំ ២០១៥) មក វៀតណាមបានខិតខំប្រឹងប្រែងដោយឥតឈប់ឈរក្នុងការអនុវត្តវិធានការទូទៅ ដើម្បីអនុវត្តអនុសញ្ញាប្រកបដោយប្រសិទ្ធភាព។ ទន្ទឹមនឹងសកម្មភាពឃោសនា បណ្ដាស្ថាប័នរដ្ឋរបស់វៀតណាមបានសកម្ម ធ្វើវិសោធនកម្ម បំពេញបន្ថែម ឬចេញផ្សាយថ្មីនូវបទបញ្ញត្តិនៃច្បាប់ក្នុងស្រុក ដើម្បីឆ្លើយតបនឹងតម្រូវការរបស់អនុសញ្ញាប្រឆាំងនឹងការធ្វើទារុណកម្ម ក៏ដូចជាដាក់ចេញការទទួលខុសត្រូវ កាតព្វកិច្ចខ្ពស់ជាងសម្រាប់កម្លាំងអនុវត្តច្បាប់។ បទប្បញ្ញត្តិជាច្រើនស្ដីពីការទប់ស្កាត់ការធ្វើទារុណកម្មនៅក្នុងអនុសញ្ញានេះត្រូវបានដាក់បញ្ចូលក្នុងច្បាប់វៀតណាមផងដែរ។

ការផ្លាស់ប្តូរជាវិជ្ជមានមួយរបស់វៀតណាមក្នុងការទប់ស្កាត់អំពើទារុណកម្មគឺជាការតម្លើងកាមេរ៉ា ថតសម្លេងនិងថតវិដេអូក្នុងដំណើរការសួរចម្លើយជនជាប់ចោទ និងក្នុងដំណើរការវិនិច្ឆ័យព្រហ្មទណ្ឌ។ វៀតណាមក៏បានបង្កើតគំរូនៃបន្ទប់ស៊ើបអង្កេតរួសរាយរាក់ទាក់ ដើម្បីដោះស្រាយករណីទាក់ទងនឹងមនុស្សដែលមានអាយុក្រោម ១៨ ឆ្នាំ និងការរំលោភបំពានលើមនុស្សដែលមានអាយុក្រោម ១៨ ឆ្នាំ ផងដែរ។

លើសពីនេះទៅទៀត វៀតណាមបានរៀបចំថ្នាក់អប់រំច្បាប់រាប់ពាន់ ថ្នាក់បង្រៀនវប្បធម៌ ថ្នាក់បណ្តុះបណ្តាលវិជ្ជាជីវៈ ថ្នាក់ផ្សព្វផ្សាយប្រឆាំងនឹងផលប៉ះពាល់នៃគ្រឿងញៀន និងទប់ស្កាត់ការឆ្លងមេរោគ HIV សម្រាប់អ្នកទោសរាប់ម៉ឺននាក់ជារៀងរាល់ឆ្នាំ៕