អង្គប្រជុំបានចាត់ទុកថា ដើម្បីកសាងប្រព័ន្ធអេកូឡូស៊ីឌីជីថលវៀតណាមនោះសហគ្រាសនៅក្នុងស្រុកគប្បីដើរ​តួនាទី​​សំខាន់ថែមទៀត។
 

លោក Nguyen Thanh Hung អនុរដ្ឋមន្រ្តីក្រសួងពត៌មាននិងផ្សព្វផ្សាយវៀតណាម

វៀតណាមបានឆ្ពោះទៅរកការកសាងប្រព័ន្ធអេកូឌីជីថលជាមួយផលិតផលសេវាកម្មឌីជីថល ដែលបង្កើតឡើងនិង​គ្រប់គ្រងដោយប្រជាជនវៀតណាម។ លោក Nguyen Thanh Hung អនុរដ្ឋមន្រ្តីក្រសួងពត៌មាននិងផ្សព្វ​ផ្សាយ​វៀតណាមបានថ្លែងដូច្នេះនៅក្នុងសិក្ខាសាលា អ៊ីនធឺណែត Day ឆ្នាំ២០១៨ ដែលរៀបចំឡើងដោយសម្ព័ន្ធសមាគមអ៊ីនធឺណែតវៀតណាម  (VIA) នាថ្ងៃទី ៥ ខែធ្នូ ឆ្នាំ២០១៨ នៅទីក្រុងហាណូយ។

ថ្លែងនៅទីនេះ លោក Nguyen Thanh Hung បានឲ្យដឹងថា ឈានចូលឆ្នាំទី ២១ នោះ អ៊ីនធឺណែតរបស់វៀតណាមបន្ត​ដាក់ចេញនូវការសាកល្បងនិងគោលដៅថ្មីពោលគឺកសាងប្រព័ន្ធអេកូឌីជីថលជាមួយផលិតផល និងសេវាកម្មឌីជីថលដែលត្រូវបានបង្កើតឡើងនិងគ្រប់គ្រងដោយប្រជាជនវៀតណាម។ លោក Nguyen Thanh Hung បានអះអាងថា នាបច្ចុប្បន្ននេះ សហគ្រាសវៀតណាមមានសមត្ថភាពគ្រប់គ្រាន់ ហើយមានមហិច្ឆតាគ្រប់គ្រងបច្ចេកវិទ្យាដើម្បីធ្វើជាម្ចាស់ទីផ្សារក្នុងស្រុកផង និងនាំចេញផលិតផលទៅកាន់តំបន់ផងដែរ។

នៅទីនេះ អង្គប្រជុំបានចាត់ទុកថា ដើម្បីកសាងប្រព័ន្ធអេកូឡូស៊ីឌីជីថលវៀតណាមនោះ​ សហគ្រាសនៅក្នុងស្រុក​គប្បីដើរតួនាទីសំខាន់។ ការអភិវឌ្ឍផលិតផលនិងសេវាកម្មរបស់សហគ្រាសក្នុងស្រុកគប្បីឆ្លើយតបនឹងតម្រូវ​ការជាក់ស្ដែងរបស់វៀតណាម ដើម្បីនាំមកនូវផលប្រយោជន៍រួមសម្រាប់សង្គមហើយទទួលបានការស្វាគមន៍​ពីសំណាក់ប្រជាជនផងដែរ៕

តាម VOV5 - វិទ្យុសម្លេងវៀតណាម