ថ្លែងមតិក្នុងជំនួបនេះ ថ្នាក់ដឹកនាំទាំង២រូបសុទ្ធតែ មានបំណងឲ្យភាគីទាំង២ជំរុញយ៉ាងខ្លាំងក្លាថែមទៀតនូវទំនាក់ទំនងសេដ្ឋកិច្ចពាណិជ្ជកម្ម ជាពិសេសក្នុងវិស័យកសិកម្ម។
ប្រធានរដ្ឋសភាវៀតណាម លោកស្រី Nguyen Thi Kim Ngan អញ្ជើញទទួលជួបប្រធានព្រឹទ្ធសភា
មិកស៊ីកលោក Ernesto Cordeno
នាព្រឹកថ្ងៃទី២០ ខែមករា ឆ្នាំ២០១៨ នៅទីក្រុងហាណូយ ប្រធានរដ្ឋសភាវៀតណាម លោកស្រី Nguyen Thi Kim Ngan បានអញ្ជើញទទួលជួបប្រធានព្រឹទ្ធសភា មិកស៊ីកលោក Ernesto Cordeno ក្នុងឱកាសអញ្ជើញមកបំពេញទស្សនកិច្ច ចូលរួមកិច្ចប្រជុំ APPF ២៦។ ថ្លែងមតិក្នុងជំនួបនេះ ថ្នាក់ដឹកនាំទាំង២រូបសុទ្ធតែ មានបំណងឲ្យភាគីទាំង២ជំរុញយ៉ាងខ្លាំងក្លាថែមទៀត នូវទំនាក់ទំនងសេដ្ឋកិច្ចពាណិជ្ជកម្ម ជាពិសេសក្នុងវិស័យកសិកម្ម។ ស្ដីពីកិច្ចសហប្រតិបតិ្តការពហុភាគី ប្រធានរដ្ឋសភាលោកស្រី Nguyen Thi Kim Ngan ចាត់ទុកថា ប្រទេសទាំង២ មានកិច្ចសហការដ៏ស្អិតរមួត គាំទ្រគ្នាទៅវិញទៅមកក្នុងអង្គការអន្តរជាតិនិង វេទិកាពហុភាគីនានា។
លោកស្រី Nguyen Thi Kim Ngan អញ្ជើញទទួលជួបប្រធានសភាជាន់ទាបឈីលីលោក Fidel Espinoza Sandoval
នាព្រឹកថ្ងៃដដែល ប្រធានរដ្ឋសភាវៀតណាម លោកស្រី Nguyen Thi Kim Ngan បានអញ្ជើញទទួលជួបប្រធានសភាជាន់ទាបឈីលីលោក Fidel Espinoza Sandoval។ នៅទីនេះ លោកប្រធានរដ្ឋសភាឈីលីបានអបអរសាទរវៀតណាម ដែលបានរៀបចំប្រកបដោយជោគជ័យនូវកិច្ចប្រជុំ APPF ២៦ ដោយមានការចូលរួមរបស់គណៈប្រតិភូជាង៣០ ព្រមទាំងសំដែងការចាប់អារម្មណ៍ចំពោះការអភិវឌ្ឍន៍របស់វៀតណាម ក្នុងរយៈពេល១០ឆ្នាំកន្លងទៅផងដែរ៕
តាម VOV5 - វិទ្យុសម្លេងវៀតណាម