នាយករដ្ឋមន្ត្រី លោក Pham Minh Chinh ជួបពិភាក្សាជាមួយនាយករដ្ឋមន្ត្រីបែលហ្សិក Alexander De Croo។ (រូបថត៖ VOV)  

ក្នុងជំនួបពិភាក្សា អញ្ជើញពិភាក្សាលើកិច្ចសហប្រតិបត្តិការសេដ្ឋកិច្ច និងពាណិជ្ជកម្ម នាយករដ្ឋមន្ត្រីទាំងពីររូបបានលើកទឹកចិត្តដល់ស្ថាប័ន និងអង្គភាពអាជីវកម្មនៃប្រទេសទាំងពីរ បន្តអនុវត្តយ៉ាងពេញលេញ និងប្រកបដោយប្រសិទ្ធភាពនូវកិច្ចព្រមព្រៀងពាណិជ្ជកម្មសេរីវៀតណាម - សហភាពអឺរ៉ុប (EVFTA)។ លោកនាយករដ្ឋមន្ត្រី Pham Minh Chinh បានស្នើឲ្យបែលហ្សិកឆាប់បញ្ចប់ដំណើរការផ្តល់សច្ចាប័នលើកិច្ចព្រមព្រៀងការពារការវិនិយោគ EU-វៀតណាម (EVIPA); គាំទ្រគណៈកម្មការអឺរ៉ុប (EC) ឱ្យឆាប់ដក "កាតលឿង" សម្រាប់ជលផលវៀតណាម។ ស្តីពីភាពជាដៃគូយុទ្ធសាស្ត្រក្នុងវិស័យកសិកម្ម នាយករដ្ឋមន្ត្រី លោក Pham Minh Chinh បានស្នើឱ្យបែលហ្ស៊ិកជួយអភិវឌ្ឍន៍គំរូសេដ្ឋកិច្ចកសិកម្មវិលជុំ និងកសិកម្មឆ្លាតវៃ; ផ្តល់នូវដំណោះស្រាយដើម្បីឆ្លើយតបទៅនឹងការជ្រាបចូលនៃទឹកប្រៃ និងគ្រោះរាំងស្ងួតនៅតំបន់ដីសណ្តទន្លេ Cuu Long; ឧបត្ថម្ភការអនុវត្តយុទ្ធសាស្ត្រជាតិស្តីពីកំណើនបៃតង ដំណាក់កាល ២០២១-២០៣០ ឆ្ពោះទៅរកការអភិវឌ្ឍប្រកបដោយនិរន្តរភាព ស្និទ្ធស្នាលជាមួយបរិស្ថាន និងបន្សាំទៅនឹងការប្រែប្រួលអាកាសធាតុ។

ថ្នាក់ដឹកនាំទាំងពីរបានអះអាងថា នឹងបន្តសម្របសម្រួល និងគាំទ្រគ្នាទៅវិញទៅមកយ៉ាងជិតស្និទ្ធនៅវេទិកាពហុភាគី និងអង្គការអន្តរជាតិ ជាពិសេសនៅពេលដែលប្រទេសទាំងពីរជាសមាជិកក្រុមប្រឹក្សាសិទ្ធិមនុស្សសម្រាប់អាណត្តិ ២០២៣- ២០២៥។ ស្តីពីបញ្ហាសមុទ្រខាងកើត ភាគីទាំងពីរបានអះអាងសារជាថ្មីអំពីសារៈ សំខាន់នៃការធានាសន្តិភាព ស្ថិរភាព សន្តិសុខ សុវត្ថិភាព និងសេរីភាពនៃការធ្វើនាវាចរណ៍ និងអាកាសចរណ៍នៅសមុទ្រនៅសមុទ្រខាងកើត; គាំទ្រការគោរពច្បាប់ជាចម្រៀង មិនប្រើប្រាស់ឬគម្រាមប្រើប្រាស់កម្លាំង ដោះស្រាយជម្លោះដោយសន្តិវិធី ស្របតាមច្បាប់អន្តរជាតិ។

បន្ទាប់ពីជំនួបពិភាក្សា នាយករដ្ឋមន្ត្រីទាំងពីររូបបានធ្វើជាសាក្សីក្នុងពិធីចុះហត្ថលេខាលើឯកសារកិច្ចសហប្រតិបត្តិការរវាងក្រសួង ស្ថាប័ន សាខា មូលដ្ឋាន និងធុរកិច្ចនៃប្រទេសទាំងពីរលើវិស័យកសិកម្ម ការអភិវឌ្ឍន៍សេដ្ឋកិច្ចសមុទ្រ សុវត្ថិភាពចំណីអាហារ ។ល។