ថ្លែងនៅក្នុងសម័យប្រជុំនេះ អគ្គទីប្រឹក្សា ង្វៀន ហៃលូ អនុប្រធានបេសកកម្មអចិន្ត្រៃយ៍របស់ វៀតណាមប្រចាំអង្គការសហប្រជាជាតិ បានបញ្ជាក់ជាថ្មីម្តងទៀត​នូវគោល​ជំហរ​ខ្ជាប់​ខ្ជួនរបស់ វៀតណាមក្នុងការគាំទ្រការបញ្ឈប់ជាបន្ទាន់ ពេញលេញ និងគ្មានលក្ខខណ្ឌចំពោះការហ៊ុំព័ទពាណិជ្ជកម្ម សេដ្ឋកិច្ច និងហិរញ្ញវត្ថុរបស់សហរដ្ឋអាមេរិកប្រឆាំងនឹងប្រទេសគុយបា។ តំណាង វៀតណាមបានសម្តែងការព្រួយបារម្ភអំពីការលំបាកកាន់តែធ្ងន់ធ្ងរឡើង ដែលប្រជាជនគុយបាកំពុងប្រឈមមុខ។ តំណាងវៀតណាមក៏បានអំពាវនាវឱ្យមានការគោរពអធិបតេយ្យភាព បូរណភាពទឹកដី ឯករាជ្យនយោបាយ សិទ្ធស្វ័យ​សម្រេច និងសិទ្ធិជ្រើសរើសមាគ៌ាអភិវឌ្ឍន៍របស់ប្រជាជនគុយបា ដោយគ្មានការជ្រៀតជ្រែក ឬការបង្ខិតបង្ខំពីខាងក្រៅ ហើយបានបញ្ជាក់ថា រាល់​ការខ្វែងគំនិត​គ្នា គួរតែដោះស្រាយតាមរយៈការសន្ទនា និងមធ្យោបាយការទូតដោយសន្តិវិធី ដោយផ្អែកលើការគោរពគ្នាទៅវិញទៅមក ស្របតាមធម្មនុញ្ញអង្គការសហប្រជាជាតិ និងច្បាប់អន្តរជាតិ៕​