តាមកិច្ចព្រមព្រៀងនេះថា ភាគីទាំងពីរបានឯកភាពជ្រើសរើសគម្រោងស្រាវជ្រាវរួមចំនួន ៥ ដើម្បីសហផ្ដល់ហិរញ្ញប្បទានតាមលក្ខណៈហិរញ្ញវត្ថុនិងបទបញ្ញត្តិនៃប្រទេសនីមួយៗ ព្រមទាំងឯកភាព លើគម្រោងស្រាវជ្រាវចំនួន៤ ផ្សេងទៀត ដើម្បីអោយក្រសួងវិទ្យាសាស្ត្រនិងបច្ចេកវិទ្យាវៀតណាមរួមជាមួយមូលនិធិផ្សេងៗរបស់កូរ៉េខាងត្បូងផ្ដល់ហិរញ្ញប្បទានផងដែរ។
![](https://imagevietnam.vnanet.vn/Upload/2019/11/29/29112019100448479vietnamhanquockithoathuanchocacduanchung_onbs.jpg)
ទិដ្ឋភាពនៅជំនួបធ្វើការរវាងរដ្ឋមន្រ្តីទាំងពីរ (រូបថត៖ TTXVN)
នាថ្ងៃទី២៧ ខែវិច្ឆិកា នៅទីក្រុងសេអ៊ូល រដ្ឋមន្រ្តីក្រសួងវិទ្យាសាស្ត្រនិង បច្ចេកវិទ្យាវៀតណាមលោក Chu Ngoc Anh និងរដ្ឋមន្រ្តីក្រសួងវិទ្យាសាស្ត្រ បច្ចេកវិទ្យាព័ត៌មាននិងទូរគមនាគមន៍កូរ៉េខាងត្បូងលោក Choi Ki-young បានចុះហត្ថលេខាលើកិច្ចព្រមព្រៀងផ្ដល់ហិរញ្ញប្បទានដល់គម្រោងស្រាវជ្រាវរួមរវាងប្រទេសទាំងពីរឆ្នាំ២០១៩ -២០២០។
តាមកិច្ចព្រមព្រៀងនេះថា ភាគីទាំងពីរបានឯកភាពជ្រើសរើសគម្រោងស្រាវជ្រាវរួមចំនួន ៥ ដើម្បីសហផ្ដល់ហិរញ្ញប្បទានតាមលក្ខណៈហិរញ្ញវត្ថុនិងបទបញ្ញត្តិនៃប្រទេសនីមួយៗ ព្រមទាំងឯកភាពលើគម្រោងស្រាវជ្រាវចំនួន ៤ ផ្សេងទៀត ដើម្បីអោយក្រសួងវិទ្យាសាស្ត្រនិងបច្ចេកវិទ្យាវៀតណាមរួមជាមួយមូលនិធិផ្សេងៗរបស់កូរ៉េខាងត្បូងផ្ដល់ហិរញ្ញប្បទានផងដែរ។
មុននោះ នៅក្នុងជំនួបពិភាក្សាអំពីខ្លឹមសារសហប្រតិបត្តិការរវាងភាគីទាំងពីរ លោករដ្ឋមន្រ្តី Chu Ngoc Anh បានស្នើរអោយកូរ៉េខាងត្បូងបន្តកសាងកម្មវិធីសហប្រតិបតិ្តការស្រាវជ្រាវលើបច្ចេកវិទ្យាអាកាសធាតុនិងកម្មវិធីស្រាវជ្រាវបច្ចេកវិទ្យាជាសារវ័ន្តនៃបដិវត្តន៍ឧស្សាហកម្មលើកទី ៤ ជួយឧបត្ថម្ភដល់ការចាប់ផ្ដើម អាជីវកម្មប្រកបដោយភាពច្នៃប្រឌិតនិងការផ្ទេរប្រគល់បច្ចេកវិទ្យារវាងកូរ៉េខាងត្បូងនិងវៀតណាម កសាងមជ្ឈមណ្ឌលតភ្ជាប់មន្ទីរពិសោធន៍នានារវាងវៀតណាមនិងកូរ៉េខាងត្បូង ព្រមទាំងបន្តជួយឧបត្ថម្ភដល់គម្រោង ODA នានារបស់ក្រសួងវិទ្យាសាស្ត្រ បច្ចេកវិទ្យាព័ត៌មាននិងទូរគមនាគមន៍កូរ៉េខាងត្បូង ដែលបាន លើកឡើងដោយក្រសួងវិទ្យាសាស្ត្រនិងបច្ចេកវិទ្យាវៀតណាម៕
តាម VOV5 - វិទ្យុសម្លេងវៀតណាម