ប្រធានរដ្ឋវៀតណាម លោក Tran Dai Quang ថ្លែងមតិក្នុងពិធី
នាព្រឹកថ្ងៃទី២៤ ខែមិថុនា ឆ្នាំ២០១៦ នៅទីក្រុងហាណូយ ក្រសួងនគបាលវៀតណាម បានរៀបចំយ៉ាង ឱឡារិកពិធីរំលឹកខួបលើកទី៧០ នៃទិវាប្រពៃណីរបស់វិទ្យាស្ថានសន្តិសុខប្រជាជន (ថ្ងៃទី២៥ ខែមិថុនា ឆ្នាំ១៩៤៦ - ថ្ងៃទី២៥ ខែមិថុនា ឆ្នាំ២០១៦) និងទទួលគ្រឿងឥស្សិយយស់ថ្នាក់ទី១។ ថ្លែងមតិក្នុងពិធីនេះ ប្រធានរដ្ឋវៀតណាម លោក Tran Dai Quang បានជូនពរនិងលើកសរសើរនូវស្នាដែដែលវិទ្យាស្ថានសន្តិសុខទទួលបាននាប៉ុន្មានឆ្នាំកន្លងទៅ។ លោកTran Dai Quang មានអនុសាសន៍ថា៖
“វិទ្យាស្ថានគប្បីយកចិត្តទុកដាក់ បំប៉ន់និងអភិវឌ្ឍន៍ជួរគ្រូបង្រៀន អ្នកស្រាវជ្រាវដោយ សារនេះជាកម្លាំងស្នូលដែលសម្រេចលទ្ធផលការងារ ក៏ដូចជាគុណភាពអប់រំនិងបណ្តុះ បណ្តាលរបស់វិទ្យាស្ថាន។ កសាងយុទ្ធសាស្ត្ររៀបចំផែនការបណ្តុះបណ្តាល អភិវឌ្ឍន៍ ប្រភពធនធានមនុស្សមានគុណភាពខ្ពស់ ក្នុងជួរគ្រូបង្រៀន អ្នកស្រាវជ្រាវ ធានាបាននូវលក្ខណៈវិនិច្ឆ័យ អំពីចរិយាសម្បត្តិនយោបាយរបៀបការរស់នៅ និងសមត្ថភាពជំនាញ ឆ្លើយតបនឹងសំណូមពរក្នុងការកសាងកម្លាំង នគរបាលប្រជាជនបដិវត្តន៍និង ទំនើបជាជំហានៗក្នុងសភាពការណ៍ថ្មី”
លោក Tran Dai Quang បានក្រើនរំលឹកថា វិទ្យាស្ថានសន្តិសុខប្រជាជន គប្បី ជម្រុញទំនាក់ទំនងសហប្រតិបត្តិការអន្តរជាតិ ជាមួយមហាវិទ្យាល័យនានានិងមជ្ឈ មណ្ឌលស្រាវជ្រាវអំពីសន្តិសុខជាតិ ដែលមានកិត្យានុភាពរបស់បណ្តាប្រទេសអាស៊ាន ក៏ដូចជាប្រទេសកំពុងអភិវឌ្ឍន៍ លើពិភពលោកព្រមទាំងបំប៉ន់កម្មាភិបាលសម្រាប់ ក្រសួងមហាផ្ទៃកម្ពុជា និងក្រសួងសន្តិសុខឡាវ រួមចំណែកជម្រុញទំនាក់ទំនងមិត្តភាព ជាប្រពៃណី រវាងវៀតណាម ជាមួយប្រទេសកម្ពុជានិងឡាវផងដែរ៕
តាម VOV5 - វិទ្យុសម្លេងវៀតណាម