នាយប់ថ្ងៃទី ១៩ ខែកុម្ភៈ ប៉ុស្តិ៍ទូរទស្សន៍ឌីជីថលជាភាសាអារ៉ាប់របស់អាល់ហ្សេរី Jeel Dz TV បានចុះផ្សាយបទយកការណ៍ស្តីពីទំនាក់ទំនងមិត្តភាពប្រពៃណីរវាង អាល់ហ្សេរី និងវៀតណាម ព្រមទាំងឧទ្ទេសនាមអំពីវប្បធម៌ និងរមណីដ្ឋាន ទេសភាព ទំនៀមទម្លាប់របស់វៀតណាមទៅកាន់ទស្សនិកជនអាល់ហ្សេរី និងសហគមន៍និយាយភាសា អារ៉ាប់។

បទយកការណ៍នេះត្រូវបានទូរទស្សន៍ Jeel Dz អនុវត្តន៍នៅពាក់កណ្តាលខែកុម្ភៈ ឆ្នាំ ២០២៣ ដោយមានការឧបត្ថម្ភពីស្ថានទូត វៀតណាមប្រចាំនៅអាល់ហ្សេរី។ ខ្លឹមសារនៃបទយកការណ៍នេះបានប្រើប្រាស់រូបភាពជាច្រើនអំពីវៀតណាម ឧទ្ទេសនាមអំពីអាវផាយ ស្គរសំរឹត ឧបករណ៍ភ្លេងជនជាតិវៀតណាម ទំនៀមទម្លាប់នៃថ្ងៃបុណ្យសំខាន់ៗក្នុងឆ្នាំ ទេសភាពដ៏ស្រស់ត្រកាលនៅវៀតណាម វប្បធម៌ម្ហូបអាហារ ដូចជារបៀបមូលណែមឬការចុងកាហ្វេបែបជប៉ុនជាដើម។ ឯកអគ្គរដ្ឋទូតវៀតណាមប្រចាំនៅអាល់ហ្សេរី Nguyen Thanh Vinh បានចែករំលែកអំពីភាពស្រដៀងគ្នា និងទំនាក់ទំនងប្រពៃណីល្អរវាងប្រទេសទាំងពីរ ដែលក្នុងនោះ ផ្តោតជាពិសេសទៅលើចលនារៀនក្បាច់គុនបុរាណវៀតណាមនៅអាល់ហ្សេរី ដែលកំពុងអភិវឌ្ឍយ៉ាងខ្លាំងក្លា និងក្លាយជាចំណុចភ្លឺ ក្នុងទំនាក់ទំនងទ្វេភាគី។

សូមគូសបញ្ជាក់ថា ប៉ុស្តិ៍ទូរទស្សន៍ Jeel Dz គឺជាប៉ុស្តិ៍ព័ត៌មានឌីជីថលដែលផ្តោតលើ ការអភិវឌ្ឍនិងផ្សព្វផ្សាយព័ត៌មានតាមរយៈប្រព័ន្ធអ៊ីនធឺណែត និងបណ្តាញសង្គមដូចជា YouTube, Tiktok, Facebook និង Instagram៕