លោកអគ្គលេខាបក្ស Nguyen Phu Trong និងគណៈប្រតិភូសមាជិករដ្ឋសភាទីក្រុងហាណូយ។ (រូបថត៖ VOV)  

សន្និសីទនេះប្រព្រឹត្តទៅតាមទម្រង់ផ្ទាល់មុខ គួបផ្សំនឹងការផ្សាយតាមបណ្តាញអនឡាញ ពីទីស្នាក់ការខ័ណ្ឌ Dong Da ដល់ សាល ប្រជុំចំនួន៥៦កន្លែង នៅតាមខ័ណ្ឌ Ba Dinh និង Hai Ba Trung ដោយមានការចូលរួម ពីសំណាក់ម្ចាស់ឆ្នោតជាង ១២០០ នាក់លើភូមិសាស្ត្រខ័ណ្ឌទាំង៣។

ថ្លែងមតិនៅទីនេះ លោកអគ្គលេខាបក្ស Nguyen Phu Trong បានស្ដាប់មតិ យោបល់របស់ម្ចាស់ឆ្នោតដើម្បីលើកកំពស់គុណភាពប្រតិបត្តិការរបស់គណៈប្រតិភូ សមាជិករដ្ឋសភាទីក្រុងហាណូយ និងរដ្ឋសភានីតិកាលទី ១៥។

និយាយអំពីការងារប្រយុទ្ធប្រឆាំងអំពើពុករលួយ ភាពអសកម្ម លោកអគ្គលេខា បក្ស Nguyen Phu Trong បានឲ្យដឹងថា នៅសន្និបាតមជ្ឈិមលើកទី៥ដែលទើបតែបាន បញ្ចប់នាពេលថ្មីៗនេះ មជ្ឈិមបានឯកភាពជាឯកច្ឆ័ន្ទ ក្នុងការបង្កើតគណៈកម្មាធិការ ដឹកនាំការប្រយុទ្ធប្រឆាំងអំពើពុករលួយ ភាពអសកម្មថ្នាក់ខេត្ត ដើម្បីបន្តពង្រីកលទ្ធ ផលដែលសម្រេចបានក្នុងរយៈពេល ១០ ឆ្នាំកន្លងមក បង្កើតឯកភាព ការតភ្ជាប់ ជាមួយនឹងខេត្ត-ក្រុងចំនួន ៦៣ ទូទាំងប្រទេស រួមចំណែកបង្ការ ទប់ស្កាត់ និងរក ឃើញករណីពុករលួយ ករណីអសកម្មនិងខ្ជះខ្ជាយ៕