ថ្លែងនៅក្នុងសម័យប្រជុំជាមួយគណៈអចិន្ត្រៃយ៍នៃគណៈកម្មាធិការសេដ្ឋកិច្ច និងហិរញ្ញវត្ថុនៃរដ្ឋសភា ស្តីពីភារកិច្ចសំខាន់ៗសម្រាប់ឆ្នាំ២០២៦ និងអាណត្តិ២០២៦-២០៣១ នៅព្រឹកថ្ងៃទី២០ ខែឧសភា នៅទីក្រុងហាណូយ ប្រធានរដ្ឋសភាវៀតណាម លោក ត្រិន ថាញ់មិន បានវាយតម្លៃខ្ពស់ចំពោះស្មារតីសកម្ម និងការទទួលខុសត្រូវរបស់គណៈកម្មាធិការក្នុងរយៈពេលកន្លងទៅ។
ទិដ្ឋភាពនៃសម័យប្រជុំ។ រូបថត៖ Le Tuyet/VOV
ទាក់ទងនឹងភារកិច្ចសំខាន់ៗក្នុងរយៈពេលខាងមុខ
លោកប្រធានរដ្ឋសភាបានស្នើឱ្យគណៈកម្មាធិការបន្តជ្រួតជ្រៀប
និងអនុវត្តសេចក្តីសម្រេចចិត្តនៃមហាសន្និបាតលើកទី១៤ របស់បក្ស
សេចក្តីសម្រេចចិត្តនៃមហាសន្និបាតលើកទី១ នៃបក្សភាគគណៈកម្មាធិការសេដ្ឋកិច្ច
និងហិរញ្ញវត្ថុ អាណត្តិ២០២៥-២០៣០; និងអនុវត្តកម្មវិធីកសាងច្បាប់នៃរដ្ឋសភានីតិកាលទី១៦។
ដើម្បីសម្រេចបាននូវគោលដៅកំណើនពីរខ្ទង់ លោកប្រធានរដ្ឋសភាបានកត់សម្គាល់ថា
គណៈកម្មាធិការត្រូវតែធ្វើសេនាធិការដល់រដ្ឋសភាឱ្យធ្វើការសម្រេចចិត្តត្រឹមត្រូវ
បង្កើតឱកាសសម្រាប់ការអភិវឌ្ឍ ប៉ុន្តែមិនលះបង់ស្ថិរភាពម៉ាក្រូសេដ្ឋកិច្ច
សន្តិសុខហិរញ្ញវត្ថុ បំណុលសាធារណៈ និងគុណភាពនៃកំណើនឡើយ។
ទាក់ទងនឹងការឃ្លាំមើល លោកប្រធានរដ្ឋសភា ត្រិន ថាញ់មិន
បានសង្កត់ធ្ងន់ថា ការងារឃ្លាំមើលដើម្បីបើកធនធាន
មិនត្រឹមតែចង្អុលបង្ហាញពីការរំលោភបំពានប៉ុណ្ណោះទេ ប៉ុន្តែថែមទាំងកំណត់បញ្ហាកកស្ទះ
មូលហេតុ និងដំណោះស្រាយទៀតផង។ លោកប្រធានរដ្ឋសភាបានស្នើថា នៅក្នុងអាណត្តិនេះ
គណៈកម្មាធិការសេដ្ឋកិច្ចនិងហិរញ្ញវត្ថុគួរតែជ្រើសរើសអាទិភាពសម្រាប់ការឃ្លាំមើល
មានលក្ខណៈយុទ្ធសាស្ត្រ ដោយផ្តោតលើវិស័យដែលមានហានិភ័យខ្ពស់
និងផលប៉ះពាល់ធំធេង។"គណៈកម្មាធិការត្រូវតែជួយរដ្ឋសភា
កសាងយន្តការដែលមានសុវត្ថិភាពគ្រប់គ្រាន់សម្រាប់ការអភិវឌ្ឍ មានភាពបត់បែនគ្រប់គ្រាន់ដើម្បីបើកធនធាន
មានតម្លាភាពគ្រប់គ្រាន់ដើម្បីគ្រប់គ្រងហានិភ័យ
និងទទួលខុសត្រូវគ្រប់គ្រាន់ដើម្បីការពារការខាតបង់ និងការខ្ជះខ្ជាយ"៕