វៀតណាមមានទំហំ GDP ចំនួន៣៤៣ពាន់លានដុល្លាអាមេរិកឈរចំណាត់ថ្នាក់ទី៣៧លើពិភពលោក (ចាប់តាំងពីចំណាត់ថ្នាក់ទី​៥៥ កាលពីដើមអាណត្តិ); ស្ថិតនៅក្នុងចំណោមខឿនសេដ្ឋកិច្ចទើបលេចឡើងចំនួន ១៦ ហើយជាប់ក្នុងក្រុមប្រទេសទាំង១០ដែលមានកំណើនខ្ពស់បំផុតលើពិភពលោក។

នាយករដ្ឋមន្រ្តីវៀតណាម លោក Nguyen Xuan Phuc អញ្ជើញថ្លែងនៅសន្និសីទ។ (រូបថត៖ chinhphu.vn)

នាព្រឹកថ្ងៃទី២៨ មីនា សន្និសីទតាមប្រព័ន្ធវីដេអូទូទាំងប្រទេសស្ដីពីការជ្រួតជ្រាបសេចក្ដីសម្រេចចិត្តនៃមហាសន្និបាតបក្សលើកទី១៣ បានបន្តប្រព្រឹត្តទៅនៅទីស្នាក់ការរដ្ឋសភា។ នៅឯសន្និសីទលើកនេះ ក្រៅពីការវាយតម្លៃចំពោះស្ថានភាពអនុវត្តយុទ្ធសាស្ត្ររយៈពេល ១០ ឆ្នាំ (២០១១-២០២០) និងទិសដៅអនុវត្តភារកិច្ចសេដ្ឋកិច្ចសង្គមរយៈពេល៥ឆ្នាំកន្លងមកនោះ នាយករដ្ឋមន្រ្តីវៀតណាម លោក Nguyen Xuan Phuc ក៏បានលើកឡើងនូវខ្លឹមសារសំខាន់ៗក្នុងយុទ្ធសាស្ត្ររយៈពេល ១០ ឆ្នាំ (២០២១-២០៣០) និងទិសដៅអនុវត្តភារកិច្ចអភិវឌ្ឍសេដ្ឋកិច្ចសង្គមរយៈពេល៥ឆ្នាំ (២០២១ - ២០២៥) ក៏ដូចជាការងាររៀបចំអនុវត្តន៍ផងដែរ។

វាយតម្លៃពីលទ្ធផលនៃការអនុវត្តយុទ្ធសាស្ត្ររយៈពេល ១០ ឆ្នាំនិងទិសដៅអនុវត្តភារកិច្ចសេដ្ឋកិច្ចសង្គមរយៈពេល៥ឆ្នាំកន្លងមក លោកនាយករដ្ឋមន្ត្រីបានលើកឡើងរាល់សមិទ្ធផលដ៏សំខាន់ៗដែលប្រទេសជាតិសម្រេចបានក្នុងអំឡុងពេល១០ឆ្នាំកន្លងមក ជាពិសេស​គឺ ៥​ឆ្នាំចុងក្រោយនេះ ហើយអះអាងថា នេះមិនមែនជាលទ្ធផលនៃអាណត្តិជាក់លាក់ណាមួយឡើយ ក៏ប៉ុន្តែ ក្រោមការដឹកនាំរបស់បក្ស លទ្ធផលនោះគឺជាការសន្សំសម្ចៃរបស់អាណត្តិជាច្រើននិងប្រជាជនជាច្រើនជំនាន់។

តាមនោះ វៀតណាមមានទំហំ GDP ចំនួន៣៤៣ពាន់លានដុល្លាអាមេរិក ឈរចំណាត់ថ្នាក់ទី៣៧លើពិភពលោក (ចាប់តាំងពីចំណាត់ថ្នាក់ទី៥៥កាលពីដើមអាណត្តិ); ស្ថិតនៅក្នុងចំណោមខឿនសេដ្ឋកិច្ចទើបលេចឡើងចំនួន១៦ ហើយជាប់ក្នុងក្រុមប្រទេសទាំង១០ដែលមានកំណើនខ្ពស់បំផុតលើពិភព លោក។ សេដ្ឋកិច្ចវៀតណាមក៏មានលក្ខណៈបើកចំហខ្ពស់ ដោយមានទំហំពាណិជ្ជកម្មសរុបស្មើនឹង ២០០% GDP ផងដែរ។ ដូច្នេះ វៀតណាមមានចំណាត់ថ្នាក់ជាក់ស្ដែងមួយលើពិភពលោកហើយ។ លោកនាយករដ្ឋមន្រ្តីក៏បានលើកឡើងបញ្ហាមួយទៀតថា នាបច្ចុប្បន្ន GDP ជាមធ្យមក្នុងមនុស្សម្នាក់របស់វៀតណាមកំពុងឈរចំណាត់ថ្នាក់ទី៤ក្នុងអាស៊ាន ហើយប្រសិនបើមានការប្ដេជ្ញាចិត្ត វៀតណាមអាចឈានឡើងឈរចំណាត់ថ្នាក់ទី២ក្នុងអាស៊ានអំពីទំហំសេដ្ឋកិច្ច៕

តាម VOV5 - វិទ្យុសម្លេងវៀតណាម