ដើម្បីបំពេញឱ្យបានល្អបំផុតនូវគោលដៅ និងភារកិច្ចដែលបានកំណត់ក្នុងឆ្នាំនេះ បង្កើតបុព្វបទសម្រាប់ការអភិវឌ្ឍក្នុងឆ្នាំបន្តបន្ទាប់ទៀត លោកនាយករដ្ឋមន្ត្រីបាន សង្កត់ធ្ងន់ថា៖

“ទីមួយគឺបង្កើតបរិយាកាសអាជីវកម្មប្រកបដោយអំណោយផល ប្រកួតប្រជែងដោយយុត្តិធម៌រវាងបណ្ដាសមាសភាគសេដ្ឋកិច្ច។ ទីពីរ គឺអភិវឌ្ឍន៍ហេដ្ឋារចនាសម្ព័ន្ធយុទ្ធសាស្ត្រគ្រប់ជ្រុងជ្រោយនិងស៊ីសង្វាក់គ្នា។ ទីបី គឺបណ្តុះបណ្តាលធនធានមនុស្សប្រកបដោយគុណភាពខ្ពស់សម្រាប់ប្រទេសនិយាយរួម និងសម្រាប់សហគ្រាសនិង សហគ្រិន និយាយដោយឡែក។ ទីបួន គឺសុក្រិតគំរូគ្រប់គ្រងសហគ្រាសនិងសហគ្រិន ទំនើប កៀរគរធនធានសង្គមទាំងអស់សម្រាប់ការអភិវឌ្ឍប្រទេសជាតិ។ ទីប្រាំ ក្នុង បរិបទបច្ចុប្បន្ន យើងត្រូវការពារសិទ្ធិ និងផលប្រយោជន៍ស្របច្បាប់របស់សហគ្រាស និងសហគ្រិន។ ទីប្រាំមួយ គឺកសាងជួរសហគ្រិនឲ្យសក្តិសមនឹងប្រពៃណីប្រវត្តិសាស្ត្រ វប្បធម៌វីរភាពរបស់ប្រទេសជាតិ”។

លោកនាយករដ្ឋមន្ត្រីជឿជាក់ថា កម្លាំងសហគ្រាសនិងសហគ្រិនវៀតណាមនឹង បន្តត្រួសត្រាយផ្លូវក្នុងបុព្វហេតុអភិវឌ្ឍន៍សេដ្ឋកិច្ច-សង្គម ដើម្បីផលប្រយោជន៍របស់ ប្រជាជាតិ ដើម្បីភាពខ្លាំងមាំមួន និងវិបុលភាពរបស់ប្រទេសជាតិនិងដើម្បីសេចក្តីសុខ របស់ប្រជាជន៕