នាយករដ្ឋមន្ត្រីវៀតណាម លោក ហ្វាម មិញជីញ បានអញ្ជើញទៅទស្សនាបណ្ដុំកសិដ្ឋាននិងរោងចក្រកែច្នៃសាច់គោ Tam Dao។ (រូបថត៖ VNA)

បណ្ដុំកសិដ្ឋាននិងរោងចក្រកែច្នៃសាច់គោ Tam Dao ត្រូវបានវិនិយោគដោយសាជីវកម្មចិញ្ចឹមសត្វវៀតណាម (Vilico) ចំណុះក្រុមហ៊ុនភាគហ៊ុនផលិតផលទឹកដោះគោវៀតណាម (Vinamilk) និងសារជីវកម្មពហុផ្នែក Sojitz របស់ជប៉ុន ហើយដំណើរការដោយក្រុមហ៊ុនចម្កាត់ចិញ្ចឹមសត្វវៀតណាម-ជប៉ុន (JVL)។ នៅទីនេះ នាយករដ្ឋមន្ត្រីលោក ហ្វាម មិញជីញ បានឲ្យដឹងថា រដ្ឋាភិបាលវៀតណាមជានិច្ចកាលគាំទ្រ និងបង្កើតលក្ខខណ្ឌសម្រាប់សហគ្រាសបរទេសនិយាយរួម និងសហគ្រាសជប៉ុននិយាយដោយឡែក វិនិយោគប្រកបដោយប្រសិទ្ធភាពនៅវៀតណាម។ លោកនាយករដ្ឋមន្ត្រីជឿជាក់ថា បណ្ដុំកសិដ្ឋាននិងរោងចក្រកែច្នៃសាច់គោ Tam Dao នឹងអភិវឌ្ឍន៍ប្រកបដោយប្រសិទ្ធភាព រួមចំណែកធានាសុខុមាលភាំពសង្គមនៅខេត្ត Vinh Phuc និងវៀតណាម។ ទន្ទឹមនឹងនោះ រួមចំណែកជំរុញទំនាក់ទំនងវៀតណាម - ជប៉ុនឲ្យកាន់តែរឹងមាំ និងមានប្រសិទ្ធភាព។

អញ្ជើញចូលរួមពិធីបើកការដ្ឋានសាងសង់លំនៅឋានសង្គមក្នុងគម្រោងតំបន់ទីក្រុងថ្មី Nam Vinh Yen ដំណាក់កាលទី១ នាយករដ្ឋមន្ត្រី លោក ហ្វាម មិញជីញ បានឲ្យដឹងថា នាពេលកន្លងមក ការអភិវឌ្ឍនិងវិនិយោគលើការសាងសង់លំនៅដ្ឋានសង្គមជានិច្ចកាលទទួលបានការយកចិត្តទុកដាក់ពីបក្ស រដ្ឋ រដ្ឋាភិបាល នាយករដ្ឋមន្ត្រី ក្រសួង ស្ថាប័ន និងមូលដ្ឋាន ដោយមានគោលនយោបាយនិងអទិភាពធនធានជាច្រើន។ លោកនាយករដ្ឋមន្ត្រីសង្ឃឹមថា Vinh Phuc នឹងបន្តត្រួសត្រាយផ្លូវក្នុងការអភិវឌ្ឍទីក្រុងបៃតង ស្រស់ស្អាត; អភិវឌ្ឍន៍ប្រកបដោយសុខដុមរមនារវាងលំនៅដ្ឋានសង្គម និងលំនៅដ្ឋានពាណិជ្ជកម្ម ប៉ុន្តែផ្តល់អាទិភាពដល់លំនៅដ្ឋានសង្គម៕