ទាក់ទិននឹងការកាត់បន្ថយក្របខ័ណ្ឌកម្មាភិបាល និងពលករដែលទទួលថវិការដ្ឋនោះ លោកស្រីរដ្ឋមន្ត្រី Pham Thi Thanh Tra បានឲ្យដឹងថា នៅឆ្នាំ ២០២១ ប្រទេសទាំងមូលបានសម្រេចលើសពីគោលដៅនៃការកាត់បន្ថយក្របខ័ណ្ឌកម្មាភិបាល (១០%) ដែលការិយាល័យនយោបាយបានកំណត់តាមសេចក្តីសម្រេចចិត្ត ចុះថ្ងៃទី ៧ ខែមេសា ឆ្នាំ២០១៥។
រដ្ឋមន្ត្រីក្រសួងមហាផ្ទៃលោកស្រី Pham Thi Thanh Tra។ រូបថត៖ quochoi.vn
នារសៀលថ្ងៃទី៤ ខែវិច្ឆិកា ឆ្នាំ២០២២
នៅទីក្រុងហាណូយ សមាជិកសភាបានអញ្ជើញចូលរួមសម័យប្រជុំលើកទី ៤ រដ្ឋសភាវៀតណាមនីតិកាលទី
១៥ ដើម្បីធ្វើការសួរដេញដោលរដ្ឋមន្ត្រីក្រសួងមហាផ្ទៃលោកស្រី Pham Thi
Thanh Tra អំពីបញ្ហាលើវិស័យផ្ទៃក្នុង។ ខ្លឹមសារនៃការសួរដេញដោលរួមមានបញ្ហាទាក់ទងនឹងការរៀបចំកម្មាភិបាល
កាត់បន្ថយក្របខ័ណ្ឌកម្មាភិបាល លើកកម្ពស់គុណភាពកម្មាភិបាល
និងអនុវត្តន៍កំណែទម្រង់គោលនយោបាយប្រាក់បៀវត្សរ៍សម្រាប់កម្មាភិបាល។
អញ្ជើញថ្លែងក្នុងសម័យប្រជុំ
លោកស្រីរដ្ឋមន្ត្រី Pham Thi Thanh Tra បានមានប្រសាសន៍ថា
ដើម្បីវាយតម្លៃកម្មាភិបាលឱ្យកាន់តែប្រសើរឡើង គឺ
ចាំបាច់ត្រូវផ្តោតលើការសុក្រិតរបៀបរបបច្បាប់
ហើយត្រូវមានស្តង់ដារវាយតម្លៃជាក់ស្ដែង៖ “យើងចាំបាច់ត្រូវសម្រេចរួចរាល់ការកំណត់មុខតំណែង
និងក្របខ័ណ្ឌសមត្ថភាព
ដើម្បីធ្វើជាមូលដ្ឋានដើម្បីវាយតម្លៃគុណភាពជួរកម្មាភិបាលតាមមុខតំណែងការងារ។ ក្រសួងគ្រប់គ្រងវិស័យ
និងមូលដ្ឋាននានាក៏ត្រូវផ្អែកលើបទប្បញ្ញត្តិរួមរបស់បក្ស និងរដ្ឋាភិបាល
ដើម្បីអនុវត្តន៍ជាក់ស្ដែងនៅអង្គភាពរបស់ខ្លួន ដើម្បីវាយតម្លៃលើកម្មភិបាលបើកចំហ
សមភាព ប្រជាធិបតេយ្យ និងត្រឹមត្រូវ។ នេះគឺជាមូលដ្ឋាន
និងជាកម្លាំងចលករដល់កម្មាភិបាល បំពេញការងារឲ្យបានល្អប្រសើរផងដែរ”។
ទាក់ទិននឹងការកាត់បន្ថយក្របខ័ណ្ឌកម្មាភិបាល
និងពលករដែលទទួលថវិការដ្ឋនោះ លោកស្រីរដ្ឋមន្ត្រី Pham Thi Thanh Tra បានឲ្យដឹងថា នៅឆ្នាំ ២០២១
ប្រទេសទាំងមូលបានសម្រេចលើសពីគោលដៅនៃការកាត់បន្ថយក្របខ័ណ្ឌកម្មាភិបាល (១០%)
ដែលការិយាល័យនយោបាយបានកំណត់តាមសេចក្តីសម្រេចចិត្ត ចុះថ្ងៃទី ៧ ខែមេសា ឆ្នាំ២០១៥
ផងដែរ៕