នាថ្ងៃទី ២១ មេសា គេហទំព័រ Khmer Times បានចុះផ្សាយអត្ថបទមួយ ដោយលើកតម្កើងជ័យជម្នះជាប្រវត្តិសាស្ត្ររបស់វៀតណាម នៅថ្ងៃទី ៣០ មេសា ឆ្នាំ ១៩៧៥ ដែលមានចំណងជើងថា “វៀតណាមក្រោយរយៈពេល ៥០ឆ្នាំនៃការបង្រួបបង្រួមប្រទេសជាតិ៖ វិបុលភាព និងភាពសុខដុមរមនា” (រូបថតអេក្រង់)។ រូបថត៖ VNA

នេះជាការលើកឡើងរបស់អ្នកស្រាវជ្រាវ អ៊ុច លាង ប្រធានស្តីទីនៃនាយកដ្ឋានសិក្សាអាស៊ី-អាហ្រ្វិក និងមជ្ឈិមបូព៌ា នៃវិទ្យាស្ថានទំនាក់ទំនងអន្តរជាតិកម្ពុជា ក្រោមរាជបណ្ឌិត្យសភាកម្ពុជា (RAC) នៅក្នុងអត្ថបទមួយលើកាសែតខ្មែរថាមស៍របស់កម្ពុជា ក្នុងច្បាប់ចុះផ្សាយនាថ្ងៃទី ២១ មេសា ក្នុងឱកាសខួបលើកទី ៥០ នៃទិវារំដោះភាគខាងត្បូង បង្រួបបង្រួមប្រទេសជាតិរបស់វៀតណាម   (៣០ មេសា ២០១៧-៣០ មេសា ២០២៥)។

ដោយមានចំណងជើងថា “វៀតណាមក្រោយរយៈពេល ៥០ឆ្នាំនៃការបង្រួបបង្រួមប្រទេសជាតិ៖ វិបុលភាព និងភាពសុខដុមរមនា” អ្នកស្រាវជ្រាវ អ៊ុច លាង បានបញ្ជាក់យ៉ាងច្បាស់ថា អំពីនយោបាយ វៀតណាមរក្សាបាននូវឯករាជ្យ អធិបតេយ្យភាព ឯកភាព បូរណភាពទឹកដី និងទិសដៅសង្គមនិយម។ ផ្នែកសេដ្ឋកិច្ចវិញ នៅឆ្នាំ ២០២៤ កំណើនប្រចាំឆ្នាំរបស់វៀតណាម សម្រេចបានជាង ៧%...។ ទាក់ទងនឹងវប្បធម៌ សង្គម ការអប់រំនិងបណ្តុះបណ្តាល វិទ្យាសាស្ត្រនិងបច្ចេកវិទ្យា សុខាភិបាល... សុទ្ធតែមានការរីកចម្រើនគួរឲ្យកត់សម្គាល់។ អំពីការការពារជាតិ-សន្តិសុខ ឯករាជ្យ អធិបតេយ្យភាព ឯកភាព បូរណភាពទឹកដី និងផលប្រយោជន៍ជាតិ  របស់វៀតណាមបន្តត្រូវបានការពារយ៉ាងរឹងមាំ; រក្សាបរិយាកាសសន្តិភាព និងស្ថិរភាពសម្រាប់ការកសាង និងអភិវឌ្ឍន៍ប្រទេសជាតិ។ ទាក់ទិននឹងកិច្ចការបរទេស វៀតណាមបាននិងកំពុងបំពេញយ៉ាងល្អនូវតួនាទីជាមិត្តនិងដៃគូដែលអាចទុកចិត្តបានក្នុងសហគមន៍អន្តរជាតិ ដោយមានគំនិតផ្តួចផ្តើម ដែលចូលរួមយ៉ាងសកម្មក្នុងសកម្មភាពជាច្រើនរបស់អង្គការអន្តរជាតិ។

អ្នកស្រាវជ្រាវ អ៊ុច លាង មានជំនឿថា សមិទ្ធិផលក្នុងរយៈពេល ៥០ ឆ្នាំកន្លងមកនេះ នឹងជាមូលដ្ឋានគ្រឹះដ៏រឹងមាំសម្រាប់វៀតណាមឈានចូលយុគសម័យថ្មី - យុគសម័យនៃការអភិវឌ្ឍប្រទេសជាតិ សំដៅក្លាយជាប្រទេសមានចំណូលខ្ពស់នៅឆ្នាំ ២០៤៥  រួមចំណែកចូលក្នុងសន្តិភាព ស្ថិរភាព និងការអភិវឌ្ឍន៍ក្នុងតំបន់ និងលើពិភពលោក ក៏ដូចជាជំរុញទំនាក់ទំនងវៀតណាម-កម្ពុជា៕