បណ្ដាតំណាងបោះឆ្នោតលើការបញ្ចប់មុខតំណែងប្រធានរដ្ឋចំពោះលោក Nguyen Phu Trong។ (រូបថត៖ VGP)

គួរជម្រាបបន្ថែមទៀតថា លោកអគ្គលេខាបក្ស Nguyen Phu Trong ត្រូវបាន រដ្ឋសភាបោះឆ្នោតជ្រើសតាំងជាប្រធានរដ្ឋ កាលពីថ្ងៃទី២៣ តុលា ឆ្នាំ២០១៨ នៅ សម័យប្រជុំលើកទី៦ រដ្ឋសភានីតិកាលទី១៤។

បន្តរបៀបវារៈនៃសម័យប្រជុំលើកទី១១ រដ្ឋសភានីតិកាលទី១៤ នារសៀលថ្ងៃ ទី២ មេសា ក្រោមអធិបតីភាពរបស់ប្រធានរដ្ឋសភា លោក Vuong Dinh Hue រដ្ឋសភា វៀតណាមបានអនុម័តលើការបញ្ចប់មុខតំណែងប្រធានរដ្ឋ តាមរយៈការបោះឆ្នោត សម្ងាត់។ ថ្លែងមតិបន្ទាប់ពីរដ្ឋសភាអនុម័តលើសេចក្ដីសម្រេចចិត្តស្ដីពីការបញ្ចប់មុខ តំណែងជាប្រធានរដ្ឋចំពោះលោក Nguyen Phu Trong នោះ លោកប្រធានរដ្ឋសភា Vuong Dinh Hue បានសង្កត់ធ្ងន់ថា៖

“ក្នុងអំឡុងពេលជាង២ឆ្នាំកន្លងមក ក្នុងលក្ខខ័ណ្ឌដ៏ជាក់លាក់ លោកអគ្គលេខា បក្ស Nguyen Phu Trong បានកាន់តំណែងជាប្រធានរដ្ឋក្នុងពេលតែមួយ។ ទោះបីជាភារកិច្ច ធ្ងន់ធ្ងរណាស់ក៏ដោយ ប៉ុន្តែដោយមានការទទួលខុសត្រូវដ៏ខ្ពង់ខ្ពស់ចំពោះបក្ស ចំពោះប្រជាជន លោកអគ្គលេខាបក្ស Nguyen Phu Trong បានលះបង់អស់ពីកម្លាំងកាយចិត្តសម្រាប់ ការអភិវឌ្ឍរបស់ប្រទេសជាតិ ហើយសម្រេចបានយ៉ាងល្អបំផុតនូវភារកិច្ចក្នុងនាមជា ប្រធានរដ្ឋ។ តាងនាមរដ្ឋសភា សូមគោរពអរគុណនិងគោរពជូនពរលោកអគ្គលេខា បក្ស Nguyen Phu Trong មានសុខភាពល្អបរិបូរណ៍ជានិច្ច រួមជាមួយការិ យាល័យ នយោបាយ លេខាធិការដ្ឋាន គណៈកម្មាធិការមជ្ឈឹមបក្ស ថ្នាក់ដឹកនាំបក្សនិងប្រជាជន ទាំងមូល នាំប្រទេសវៀតណាមអភិវឌ្ឍន៍កាន់តែឆាប់រហ័សនិងចីរភាពពីមួយថ្ងៃទៅ មួយថ្ងៃ”។

គួរជម្រាបបន្ថែមទៀតថា លោកអគ្គលេខាបក្ស Nguyen Phu Trong ត្រូវបាន រដ្ឋសភាបោះឆ្នោតជ្រើសតាំងជាប្រធានរដ្ឋ កាលពីថ្ងៃទី២៣ តុលា ឆ្នាំ២០១៨ នៅ សម័យប្រជុំលើកទី៦ រដ្ឋសភានីតិកាលទី១៤៕

តាម VOV5 - វិទ្យុសំឡេងវៀតណាម