សមាជិក សមាជិកាពិភាក្សាតាមក្រុម
បន្តរបៀបវារៈនៃកិច្ចប្រជុំលើកទី៤ រដ្ឋសភាវៀតណាមនីតិកាលទី១៤ នាព្រឹក ថ្ងៃទី២៤ ខែតុលា ឆ្នាំ២០១៧ នៅទីក្រុងហាណូយ អង្គប្រជុំបានពិភាក្សាតាមក្រុមអំពីលទ្ធផល នៃការអនុវត្តផែនការអភិវឌ្ឍន៍សេដ្ឋកិច្ច សង្គមនិងថវិការដ្ឋឆ្នាំ២០១៧ ផែនការអភិវឌ្ឍន៍សេដ្ឋកិច្ចសង្គម គំរោងថវិការដ្ឋ វិធានការ បែងចែកថវិការមជ្ឈឹមឆ្នាំ ២០១៨ និងផែនការ ហិរញ្ញវត្ថុនិងថវិការដ្ឋរយៈពេល៣ឆ្នាំ ២០១៨ ដល់ ២០២០។
អង្គប្រជុំបានឯកភាពជាមួយ នឹងរបាយការណ៍ស្តីពីស្ថានភាពអភិវឌ្ឍន៍ សេដ្ឋកិច្ច សង្គមរបស់រដ្ឋាភិបាល និងជឿជាក់ថា ក្នុងឆ្នាំ ២០១៧នេះ គោលដៅ ទាំង១៣អាចសម្រេចជាស្ថាពរដែរ។ សមាជិកសមាជិកាសភាទាំងអស់បាន ចាត់ទុកថា រដ្ឋាភិបាលគប្បីបន្តស្ថិរភាពម៉ាក្រូសេដ្ឋកិច្ច រៀបចំឡើងវិញរចនា សម្ព័ន្ធខឿនសេដ្ឋកិច្ច ដោយផ្សាភ្ជាប់ជាមួយរូបសណ្ឋានកំណើន លើកកំពស់ ទិន្នផល គុណភាពប្រកប ដោយប្រសិទ្ធភាពនិងមានការប្រកួតប្រជែង។ លោក Tran Hoang Ngan សមាជិកសភាមណ្ឌលហូជីមិញបានលើកមតិថា៖
“ការកែលំអបរិយាកាសវិនិយោគធ្វើអាជីវកម្មបច្ចប្បន្នគឺត្រូវបានរដ្ឋាភិ បាលអនុវត្តយ៉ាងល្អ។ តាមនោះ បង្កើតភាពងាយស្រួលសម្រាប់ សហគ្រាស ផលិតកម្ម ហើយខណៈដែលសហគ្រាសផលិតកម្មធ្វើអាជីវកម្មមានប្រសិទ្ធភាពនោះ គេនឹងបង់ពន្ធគ្រប់គ្រាន់ជូនរដ្ឋាភិបាល។ ក្នុងលក្ខណៈធ្វើសមាហរណកម្មនោះ វៀតណាមបានចុះហត្ថលេខាលើកិច្ចព្រមព្រៀងពាណិជ្ជកម្ម ជាច្រើនជាមួយប្រទេសនានា លើពិភពលោក តាមនោះគប្បីកាត់បន្ថយពន្ធ។ ដើម្បីធានាភាពសម្របសម្រួលនៃចំណាយ ក៏ដូចជាចំណូលនោះ ក៏ត្រូវជម្រុញ ការកែទម្រង់ក្បាលម៉ាស៊ីរដ្ឋបាលប្រកបដោយប្រសិទ្ធិភាពទៀតផង”។
សមាជិក សមាជិកាខ្លះបានស្នើឲ្យផ្លាស់ប្តូររូបសណ្ឋានកំណើន។ ទន្ទឹម ជាមួយគ្នានោះ ក៏ត្រូវជម្រុញការបង្ការប្រឆាំងអំពើពុករលួយ អនុ វត្តការសន្សំ សំចៃ និងជៀសវាងការខ្ជះខ្ជាយ។ អង្គប្រជុំក៏បានវាយតម្លៃខ្ពស់ ចំពោះការដែល រដ្ឋាភិបាលបានបំផុសចលនាចាប់ផ្តើមអាជីព នាំមកប្រសិទ្ធិភាពសេដ្ឋកិច្ចនិងសង្គម។ លោកស្រី Vu Thi Luu Mai សមាជិកាមណ្ឌល Da Nang បានចាត់ទុកថា៖
“ខ្ញុំយល់ស្របជាមួយនឹងដំណោះស្រាយ ដែលរដ្ឋាភិបាលដាក់ចេញក្នុង របាយការណ៍ ទាំងអំពីសេដ្ឋកិច្ចនិងថវិការផង។ ប៉ុន្តែ ខ្ញុំក៏ចង់និយាយថា ការ រៀបចំគំរោងថវិកាសម្រាប់បណ្តាឆ្នាំបន្តបន្ទាប់គឺត្រូវអាស្រ័យលើផែនការ ហិរញ្ញវត្ថុ៥ឆ្នាំនិងផែនការវិនិយោគសាធារណ ៥ឆ្នាំ ព្រោះថា ផែនការ៥ឆ្នាំ ជា ក្របខ័ណ្ឌកំណត់ទិសដែរ”៕
តាម VOV5 - វិទ្យុសម្លេងវៀតណាម