នៅឯពិធីហាត់សមបឋម យុទ្ធជននៃគណៈប្រតិភូកងទ័ពវៀតណាមមានវត្តមានជាមួយគណៈប្រតិភូយោធាចំនួន ១៩ ក្រុម មកពីប្រទេសផ្សេងៗ ដោយ រុស្ស៊ីអញ្ជើញឱ្យចូលរួមក្នុងពិធីព្យុហយាត្រានាថ្ងៃទី ៩ ឧសភា។ តាមលំដាប់ គណៈប្រតិភូវៀតណាមបានដើរដង្ហែក្នុងលំដាប់ទី ៨ ក្នុងប្លុកកម្លាំងអន្តរជាតិ។ តាមពីក្រោយមានគណៈប្រតិភូមកពីប្រទេសចិន ឡាវ និងមីយ៉ាន់ម៉ា។ នៅឯការហាត់សមបឋម ការដាក់តាំងសម្ភារៈ និងសព្វាវុធពីប្រទេសម្ចាស់ផ្ទះ សហព័ន្ធរុស្ស៊ីបានទាក់ទាញការចាប់អារម្មណ៍យ៉ាងខ្លាំងចំពោះគណៈប្រតិភូដែលចូលរួម និងអ្នកដែលមានវត្តមាននៅកន្លែងផ្ទាល់។

ជាពិសេសនៅពិធីហាត់សមបឋមនេះ ប្រជាជនវៀតណាមមួយចំនួនធំដែលកំពុងរស់នៅ សិក្សា និងធ្វើការនៅរុស្ស៊ីមានវត្តមាននៅទីលានក្រហម ដើម្បីជួបផ្ទាល់ជាមួយយុទ្ធជននៃគណៈប្រតិភូវៀតណាម។ មនុស្សជាច្រើនពាក់អាវក្រហមបំពាក់ផ្កាយពណ៌លឿង ហើយលើកទង់ជាតិក្រហមជាមួយផ្កាយពណ៌លឿង ដោយស្រែកពាក្យថា “វៀតណាម”៕