រាត្រីប្រកួតប្រជែងទីបីនៃពិធីមហោស្រពកាំជ្រួចអន្តរជាតិ Da Nang - DIFF ២០២៥ បានប្រព្រឹត្តទៅនាយប់ថ្ងៃទី១៤ ខែមិថុនា នៅច្រាំងទន្លេ Han ទីក្រុង Da Nang ក្រោមប្រធានបទ "ដំណើរនៃការតភ្ជាប់"។ ក្រុមប្រកួតប្រជែងពីរមកពីទ្វីបពីរនិងវប្បធម៌ពីរគឺកាណាដា និងចិន បានភ្ជាប់អ្នកទស្សនារាប់ម៉ឺននាក់តាមរយៈភាសានៃពន្លឺនិងតន្ត្រី។
ការបាញ់កាំជ្រួចរបស់ក្រុមជនជាតិកាណាដានៅល្ងាចថ្ងៃទី ១៤ ខែមិថុនា បង្ហាញពីការផ្លាស់ប្តូរយ៉ាងរលូនតាមចង្វាក់តន្ត្រី (រូបថត៖ Jackie Chan/VOV)
លោក Patrick
Chadonnet តំណាងក្រុមកាំជ្រួចកាណាដាបានចែករំលែកថា ការសម្តែង Stardust
បង្ហាញសារអំពីក្តីសុបិនរបស់មនុស្សជាតិ។
ក្រុមការងារចង់បង្ហាញអត្ថន័យនោះទៅកាន់ទស្សនិកជន ដោយសង្ឃឹមថា តាមរយៈការសម្តែង
ក្តីស្រមៃរបស់មនុស្សគ្រប់រូបនឹងក្លាយជាការពិត។
ជាមួយគ្នានេះដែរ
ក្រុមកាំជ្រួច Jiangxi Yanfeng មកពីប្រទេសចិនបានជ្រើសរើសការនិយាយរឿងមួយដែលមានអារម្មណ៍ពីទិសបូព៌ាយ៉ាងខ្លាំង
តាមរយៈការសម្តែងរឿង ដំណើរឆ្ពោះទៅទិសខាងលិច។
ទស្សនិកជនមិនត្រឹមតែបានកម្សាន្តជាមួយនឹងការសម្តែងកាំជ្រួចប៉ុណ្ណោះទេ
ថែមទាំងបានជ្រួតជ្រាបនៅក្នុងកន្លែងតន្ត្រីដ៏រស់រវើក ដោយមានការចូលរួមពីសិល្បករក្នុងស្រុក
និងអន្តរជាតិរាប់រយនាក់៕