នាយប់ថ្ងៃទី៧ ខែឧសភា ឆ្នាំ២០២៥ នៅមជ្ឈមណ្ឌលព្រឹត្តិការណ៍ Thisky Hall (តំបន់ បុរី Sala ទីក្រុង ធូឌឺក (Thu Duc)) រាត្រីតន្ត្រី និងសិល្បៈអន្តរជាតិ ដើម្បីអបអរសាទរពិធីបុណ្យមហាវិសាខបូជា របស់អង្គការសហប្រជាជាតិ ឆ្នាំ២០២៥ ក្រោមប្រធានបទ "សាមគ្គីភាព និងមេត្តាធម៌សម្រាប់សេចក្តីថ្លៃថ្នូររបស់មនុស្សលោក៖ ប្រាជ្ញាព្រះពុទ្ធសាសនាដើម្បីសន្តិភាពពិភពលោក និងការអភិវឌ្ឍប្រកបដោយចីរភាព”

វណ្ណកម្ម និង​​ក្បាច់​រាំ​ត្រូវ​បាន​រៀប​ចំ​យ៉ាង​ល្អិតល្អន់។

តារាចម្រៀង លោក ដាំងយឿង  (Dang Duong), លោក វៀតហ័ន (Viet Hoan) និង លោក ដាវម៉ាក (Dao Mac) បានសម្តែងបទចម្រៀង "ប្រទេសពោរពេញដោយភាពរីករាយ" និពន្ធដោយតន្ត្រីករ ហ័ងហា (Hoang Ha) ក្នុងរាត្រីតន្ត្រី។

របាំផ្កាឈូកនាំមកនូវអារម្មណ៍ជាច្រើនដល់ទស្សនិកជន។

របាំបង្ហាញពីក្តីមេត្តាធម៌រវាងមនុស្ស និង​មនុស្ស។

តារាចម្រៀង លោក  ឌឹច ទួន (Duc Tuan) ច្រៀងបទ "ជីវិតសប្បាយ - អំណរគុណ"  ។

កម្មវិធីនេះគឺជាកម្មវិធីពិសេសមួយក្នុងបណ្តាសកម្មភាព​ជាបន្តបន្ទាប់ ដើម្បីប្រារព្ធពិធីបុណ្យវិសាខបូជា ដែលមាន​ការចូលរួមពីព្រះតេជគុណ ព្រះសង្ឃ ពុទ្ធបរិស័ទ ប្រតិភូអន្តរជាតិ និងទស្សនិកជនយ៉ាងច្រើនកុះករដែលស្រឡាញ់សិល្បៈខាងវិញ្ញាណ ។

សកម្មភាពដ៏អស្ចារ្យមួយក្នុងពិធីបុណ្យវិសាខបូជា​ឆ្នាំ ២០២៥ គឺរាត្រីប្រគុំតន្ត្រី សិល្បៈអន្តរជាតិ​ ដែលប្រព្រឹត្តទៅនៅ Thisky Hall ទីក្រុង ធូឌឹក (Thu Duc) ។ ក្រោមប្រធានបទ «ការផ្សារភ្ជាប់វប្បធម៌​-ផ្សព្វផ្សាយមិត្តភាព» កម្មវិធីនេះបាន​មាន​ការចូលរួមរបស់ក្រុមសិល្បៈព្រះពុទ្ធសាសនា ដែលមកពីប្រទេសជាច្រើន ដោយនាំមកនូវការសម្តែងប្រកបដោយអត្តសញ្ញាណ ប៉ុន្តែចែករំលែកនូវស្មារតីមេត្តាករុណា និងការត្រាស់ដឹង។ លំហ​សិល្បៈ​ពោរពេញទៅដោយមនោសញ្ចេតនា ដែល​បាន​បង្ហាញ​​សារអំពី​សន្តិភាព និង​សាមគ្គីភាព​រវាងបណ្តា​ប្រជាជាតិ។ 

របាំ​នេះ​បង្ហាញ​ពី​បរិយាកាស​រីករាយ​ក្នុង​បទ «​ប្រទេស​ពោរពេញ​ដោយ​ភាព​រីករាយ​» ។

ការសម្តែងដ៏​លេចធ្លោក្នុង​រាត្រីតន្ត្រី សិល្បៈអន្តរជាតិនេះ គឺ "ជីវិតរបស់ព្រះពុទ្ធ" សំដែងដោយក្រុមសិល្បៈវប្បធម៌ឥណ្ឌា ដែលបាននាំមកនូវអារម្មណ៍ជាច្រើនដល់ទស្សនិកជន នៅពេលដែលពួកគេបានឃើញដំណើរការនៃការបដិបត្តិនិងការចូលបរិនិព្វានរបស់ព្រះអង្គម្ចាស់ Siddhartha Gautama តាំងពីប្រសូតិ ត្រាស់ដឹង និងបរិនិព្វាន​។

លើសពីនេះ វណ្ណកម្មឆ្នើម "ខ្លឹមបញ្ញាបារមី" "ចម្រៀងស្ងើចសរសើរព្រះសម្មាសម្ពុទ្ធ" "ចម្រៀងវិសាខបូជា" "ជីវិតសប្បាយ - អំណរគុណ" ឬ "ពុទ្ធសាសនាចែងចាំងទ្វីបទាំងប្រាំ" មិនត្រឹមតែបានបង្ហាញពីសេចក្តីមេត្តាករុណា និងប្រាជ្ញារបស់ព្រះពុទ្ធប៉ុណ្ណោះទេ ថែមទាំងបានដាស់អារម្មណ៍ដ៏ជ្រាលជ្រៅនៅក្នុងចិត្តទស្សនិកជនផងដែរ។

កម្មវិធីនេះមានការចូលរួមពីក្រុមសិល្បៈព្រះពុទ្ធសាសនាមកពីប្រទេសជាច្រើនដូចជា ឥណ្ឌា ចិន កូរ៉េខាងត្បូង...

រឿងពិពណ៌នាអំពី"ពុទ្ធប្រវត្តិ” តាំងប្រសូតិ ត្រាស់ដឹង និងបរិនិព្វាន​។

រឿងពិពណ៌នាអំពី"ពុទ្ធប្រវត្តិ” តាំងប្រសូតិ ត្រាស់ដឹង និងបរិនិព្វាន​។

រឿងពិពណ៌នាអំពី"ពុទ្ធប្រវត្តិ” តាំងប្រសូតិ ត្រាស់ដឹង និងបរិនិព្វាន​។

កម្មវិធីពិសេសមួយនេះ ស្ថិតក្នុងចំណោមបណ្តាកម្មវិធី ដែល​បាន​រៀបចំ ដើម្បីអបអរសាទរពិធីបុណ្យវិសាខបូជា ដែលមាន​ការចូលរួមពីព្រះសង្ឃ ពុទ្ធបរិស័ទ ប្រតិភូយ៉ាងច្រើន​កុះករស្រឡាញ់សិល្បៈខាងវិញ្ញាណ។

ព្រឹត្តិការណ៍នេះក៏បានសង្កត់ធ្ងន់លើតម្លៃខាងវិញ្ញាណនៃវិសាខបូជា - រំលឹកដល់ការប្រសូត ត្រាស់ដឹង និងបរិនិព្វានរបស់ព្រះពុទ្ធ ខណៈដែលផ្សព្វផ្សាយសារនូវសន្តិភាព និងការអភិវឌ្ឍប្រកបដោយចីរភាព ក្នុងបរិបទពិភពលោកកំពុងប្រឈមមុខនឹងបញ្ហាជាច្រើន។ កម្មវិធី​នេះ​ត្រូវ​បាន​គេ​រំពឹង​ថា ​នឹង​បន្សល់​ទុក​នូវ​ការ​ចាប់​អារម្មណ៍​យ៉ាង​ខ្លាំង​ដល់​ទស្សនិកជន​រាប់ ​តាំង​ពី​អ្នក​ស្រលាញ់​សិល្បៈ​ រហូត​ដល់​អ្នក​ដែល​ស្វែង​រក​ភាពស្ងប់ចិត្ត​ ។

រាត្រីតន្ត្រី សិល្បៈក្នុង​ ពិធីបុណ្យ Vesak ឆ្នាំ ២០២៥ មិនមែនគ្រាន់តែជាការសម្តែងប៉ុណ្ណោះទេ  ប៉ុន្តែនេះជាដំណើរនៃអារម្មណ៍ ការត្រាស់ដឹងខ្លួនពីខាងក្នុង នៃក្តីស្រឡាញ់ និងប្រាជ្ញាលើសពីដែនកំណត់ទាំងអស់៕ 

អត្ថបទ និង​រូបថត៖ ថុង​ហាយ / VNP ប្រែសម្រួលដោយង្វៀនយ៉ាង