លោកនាយករដ្ឋមន្ត្រីបានអះអាងថា នឹងបន្តមតរតកដ៏ល្អប្រពៃរបស់ថ្នាក់ដឹកនាំជំនាន់មុន ហើយខិតខំប្រឹងប្រែងអស់ពីកម្លាំងកាយចិត្ត ដើម្បី ពូនជ្រុំទំនាក់ទំនងមិត្តភាពដ៏មហិមា សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងវៀតណាម និងឡាវដោយឥតឈប់ឈរ។
លោកនាយករដ្ឋមន្ត្រី Pham Minh Chinh និងអតីតអគ្គលេខាបក្ស ប្រធានរដ្ឋឡាវលោក Bounnhang Vorachith ។ រូបថត៖ VGP/Nhat Bac
ក្នុងក្របខ័ណ្ឌនៃដំណើរទស្សនកិច្ចផ្លូវការនៅឡាវ នារសៀលថ្ងៃទី១១ ខែមករា នាយករដ្ឋមន្ត្រីវៀតណាមលោក Pham Minh Chinh បានអញ្ជើញទៅសួរសុខទុក្ខអតីតអគ្គលេខាបក្ស ប្រធានរដ្ឋឡាវលោក Choummaly Sayasone; អតីតអគ្គលេខាបក្ស ប្រធានរដ្ឋឡាវលោក Bounnhang Vorachith និងអតីតនាយករដ្ឋមន្ត្រីឡាវ លោក Thongsing Thammavong។
លោកនាយករដ្ឋមន្ត្រី Pham Minh Chinh បានសង្កត់ធ្ងន់ថា វៀតណាមតែងតែផ្តល់អាទិភាពចម្បងសម្រាប់ទំនាក់ទំនងពិសេសវៀតណាម - ឡាវ ហើយចាត់ទុកថា នេះគឺជាទ្រព្យសម្បត្តិដែលមិនអាចកាត់ថ្លៃបានចំពោះបុព្វហេតុបដិវត្តន៍នៃប្រទេសទាំងពីរ។ លោកនាយករដ្ឋមន្ត្រីបានអះអាងថា នឹងបន្តមតរតកដ៏ល្អប្រពៃរបស់ថ្នាក់ដឹកនាំជំនាន់មុន ហើយខិតខំប្រឹងប្រែងអស់ពីកម្លាំងកាយចិត្ត ដើម្បី ពូនជ្រុំទំនាក់ទំនងមិត្តភាពដ៏មហិមា សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងវៀតណាម និងឡាវដោយឥតឈប់ឈរ។
អតីតថ្នាក់ដឹកនាំឡាវបានស្នើឱ្យប្រទេសទាំងពីរវៀតណាម និងឡាវបង្កើនកិច្ចសហប្រតិបត្តិការ ផ្លាស់ប្ដូរបទពិសោធន៍ ជួយរក្សាស្ថិរភាព និងអភិវឌ្ឍន៍សេដ្ឋកិច្ច សង្គម ហើយបន្តពូនជ្រុំទំនាក់ទំនងមិត្តភាពពិសេសវៀតណាម-ឡាវ; លើកកម្ពស់ប្រសិទ្ធភាពនៃកិច្ចសហប្រតិបត្តិការដោយឥតឈប់ឈរ និងអនុវត្តន៍ប្រកបដោយប្រសិទ្ធភាពនូវកិច្ចព្រមព្រៀងរវាងប្រទេសទាំងពីរ ក៏ដូចជា បន្តយកចិត្តទុកដាក់អប់រំនិងផ្សព្វផ្សាយដល់ប្រជាជននៃប្រទេសទាំងពីរ ជាពិសេសគឺយុវជនជំនាន់ក្រោយអំពីប្រពៃណីទំនាក់ទំនងពិសេស ស្អិតរមួត ស្មោះសរឡាវ-វៀតណាម និងវៀតណាម-ឡាវផងដែរ៕