ជាមួយថ្វីដៃដ៏ប៉ិនប្រសប់ ស្រប់នឹងចំណូលចិត្តស្រឡាញ់ផ្កា បង ហ្វាងអាញ (Hoang Anh) នៅក្រុងហាណូយ បង្កើតបានស្នាដៃផ្កាតែងក្នុងទូកញ្ចក់ ទុកសម្រាប់ធ្វើជាអំណោយដាក់តាំងក្នុងបរិយាកាសរស់នៅ។
បង ហ្វាងអាញ (Hoang Anh) ជាអ្នកចូលចិត្តស្រាវជ្រាវប្រភេទផ្កា ធ្លាប់បានសិក្សាស្វែងយល់អំពីចំណូលចិត្តលេង Terrarium - ប្រព័ន្ធអេកូឡូស៊ីខ្នាតតូច ត្រាប់តាមបរិស្ថានរស់នៅធម្មជាតិ ក្នុងដបកែវ និងពង្រីក Wardian Case ដែលយល់ដោយសាមញ្ញថា ជាបែបដាំផ្កាក្នុងទូកញ្ចក់ មានដើមកំណើតមកពី Terrarium។ បងចាប់ផ្តើមចូលរួមថ្នាក់សិក្សាប្រាស្រ័យខាងសិល្បៈតែងផ្កា បានមិត្តជនជាតិបារាំងម្នាក់ ចែករំលែកឱ្យដឹងបន្ថែមអំពីព័ត៌មាន ទន្ទឹមនោះបងក៏បានចំណាយពេលវេលាជាច្រើន សិក្សាស្រាវជ្រាវបន្ថែមខាង Wardian Case ផងដែរ។
“ស្វែងយល់កាន់តែជ្រៅ ខ្ញុំកាន់តែមានចិត្តដាក់ដាំទៅនឹងប្រភេទសិល្បៈនេះ។ ដាំផ្កាក្នុងទូកញ្ចក់ជាការពិសោធ ដែលប្រកបដោយភាពទាក់ទាញ” បង ហ្វាងអាញ (Hoang Anh) ចែករំលែក។
ក្រោយរយៈពេលស្វែងយល់ជាង១ឆ្នាំ បង ហ្វាងអាញ (Hoang Anh) បានចាប់ផ្តើមបង្កើតស្នាដៃ Wardian Case ដោយមានការរចនាតាំងពីផ្នែកគ្រោងកញ្ចក់នឹងឈើ ដែក រហូតដល់ការប្រើប្រាស់ផ្កា រួមផ្សំនឹងវត្ថុធាតុមានស្លែ ឈើនៅខាងក្នុងបង្កើតបានជាស្នាដៃសិល្បៈមួយ ធ្វើឱ្យមនុស្សគ្រប់គ្នាមើលទៅដូចជាសួនផ្កាស្រស់ស្អាត។
បង ហ្វាងអាញ (Hoang Anh) ជ្រើសផ្ទាំងស្លែ ធ្វើជាខឿនគ្រឹះសម្រាប់ស្នាដៃ។ រូបថត៖ ខាញ់ឡុង/កាសែតរូបភាពវៀតណាម
តាមស្នាដៃនីមួយៗដែលភ្ញៀវបានកម្មង់ បង ហ្វាងអាញ (Hoang Anh) នឹងមានរបៀបតុបតែងផ្កាផ្សេងៗគ្នា។ រូបថត៖ ខាញ់ឡុង/កាសែតរូបភាពវៀតណាម
ដោយបទពិសោធន៍ច្រើនឆ្នាំ បង ហ្វាងអាញ (Hoang Anh) យល់ច្បាស់ថាជ្រើសរើសជ្រុងបែបណា តែងផ្កាទៅវាមានការសមស្របគ្នា។ រូបថត៖ ខាញ់ឡុង/កាសែតរូបភាពវៀតណាម
បរិយាកាសនៅផ្ទះលេខ២ ផ្លូវឌិញឡៀត (Dinh Liet) (ហាណូយ) បានបង ហ្វាងអាញ (Hoang Anh) ជ្រើសបង្កើតស្នាដៃ Wardian Case។ រូបថត៖ ខាញ់ឡុង/កាសែតរូបភាពវៀតណាម
តាមបង ហ្វាងអាញ (Hoang Anh) រៀបរាប់ថា Wardian Case នីមួយៗ ដូចជាស្នាដៃសិល្បៈមួយ ដែលមានលក្ខណៈពិសេសដោយឡែក ផ្សេងចាកពីដបផ្កាធម្មតា។ ប្រសិនបើ ជាមួយនឹងរបៀបតុបតែងផ្កាពេញនិយម គឺរៀបចំតាមគោលគំនិតរូបសណ្ឋានមួយប្រាកដប្រជា Wardian Case ជាបែបមួយបង្កើតឱ្យមានអារម្មណ៍ដូចជាផ្កាធម្មជាតិកំពុងលូតលាស់។
ដើម្បីបង្កើតបានស្នាដៃ Wardian Case ត្រូវចំណាយពេលយ៉ាងច្រើន ក្នុងការឡើងគំនិតនិងដំឡើងរចនាលើទូកញ្ចក់។ នេះជាផ្នែកនឹងបានតុបតែងជារូបសណ្ឋានច្រើនបែបសណ្ឋាន ខ្នាតផ្សេងៗ និងសម្រេចកំណត់លក្ខណៈវិចិត្រសិល្បៈ មាននៅលើស្នាដៃ ពេលតាំងក្នុងបរិយាកាសរស់នៅ។ តាមចំណូលចិត្តភ្ញៀវ បងនឹងប្រើវត្ថុធាតុលោហធាតុ ឬឈើ សម្រាប់បង្កើតផ្នែកទូកញ្ចក់នេះ។
វគ្គបន្ត តាមការជ្រើសរើសរបស់អ្នកលេង នឹងមានការជ្រើសរើសនូវប្រភេទផ្កាក៏ដូចជាការរើសពណ៌ដាំនៅខាងក្នុង។ តាមធម្មតា ស្នាដៃនីមួយៗ បង ហ្វាងអាញ (Hoang Anh) នឹងប្រើផ្កាចំនួន៨ប្រភេទផ្សំនឹងស្លឹក ស្រទាប់ស្លែតូចៗ បង្កើតជាចំណុចចំណាប់អារម្មណ៍ សម្រាប់ស្នាដៃតាមបែបរចនាបទទីលានសួនផ្កា។ មានស្នាមួយចំនួន បងត្រូវប្រើផ្កាពី២០រហូតដល់៥០ប្រភេទ។ ក្រៅពីប្រើផ្កាដែលនាំចូល បងក៏មានប្រើប្រភេទផ្កាក្នុងស្រុកផងដែរ សមស្របសម្រាប់ដាក់តាំងក្នុងពិធីបុណ្យចូលឆ្នាំប្រពៃណី ដូចជា Dahlia violet daisy ។ល។
រយៈពេលប្រើប្រាស់ Wardian Case នេះ មានតែ៥ - ៧ថ្ងៃ ដោយសារប្រើផ្កាស្រស់។ ប៉ុន្តែជាមួយទស្សនាទាននៃការច្នៃប្រឌិត និងចំណាប់អារម្មណ៍សិល្បៈរបស់ខ្លួន ពេលបង្កើតស្នាដៃនីមួយៗ បង ហ្វាងអាញ (Hoang Anh) មានមតិថា សម្រស់ Wardian Case គឺជាកាលៈទេសៈមួយ ដែលអ្នកទស្សនាផ្កាគយគន់ មើលឃើញនូវសម្រស់រំលេចចំពោះដើមផ្កា ដើមស្មៅនីមួយៗ ដែលបងជាអ្នកបង្កើត។ ដូចនេះ តម្លៃទឹកប្រាក់ក៏បានបងកំណត់យោងទៅលើតម្លៃ ដែលនាំមកជូនអ្នកទស្សនា អ្នកប្រើប្រាស់វា។
ស្នាដៃតែងផ្កាទូកញ្ចក់របស់បងហ្វាងអាញ (Hoang Anh)។ រូបថត៖ ឯកសារតួអង្គផ្តល់ជូន
សព្វថ្ងៃជាមួយនឹង Wardian បងហ្វាងអាញ (Hoang Anh) នៅមានស្នាដៃមួយចំនួន៖ Wardian Alfred (ទូឈើ) Wardian Offa (ផ្ទះឈើ) Wardian Egbert (វិមានលោហិត) Wardian Aethelwult (វិមានលោហិតលំដាប់ខ្ពស់) Wardian Little Prince (វិមានខ្នាតតូច)។
បានដឹងថា សព្វថ្ងៃនៅវៀតណាមមិនទាន់មាននរណាម្នាក់ បង្កើតស្នាដៃតែងផ្កាក្នុងទូកញ្ចក់ Wardian Case ដូច្នេះទើបបងហ្វាងអាញ (Hoang Anh) កំពុងតែបើកវគ្គសិក្សាតុបតែងផ្កា សម្រាប់អ្នកស្រឡាញ់ចូលចិត្តផ្កា ដើម្បីផ្សព្វផ្សាយមុខវិជ្ជាសិល្បៈមួយនេះ ទៅដល់មនុស្សគ្រប់គ្នា៕