ក្បួនរចនាប្លែកៗនៅលើស្គរលង្ហិនរបស់ប្រជាជន ឡូឡូ ( Lo Lo)។
ប្រជាជន ឡូឡូ ( Lo Lo) ពាក់ស្លៀកសំលៀកបំពាក់ដ៏ស្រស់ស្អាតបំផុតនៅពិធីបុណ្យសំខាន់ៗនេះ។
គ្រប់គ្នាក្នុងភូមិឈរនៅមុខទីសក្ការៈបូជាដូនតា ដើម្បីគ្រូសែនអនុវត្តពិធីដូនតា។
បន្ទាប់ពីពិធីសែនដូនតានៅមុខទីសក្ការៈបូជារបស់ដូនតា អ្នកភូមិនឹងការរាំ និងចម្រៀងបទចម្រៀងរបស់ជនជាតិ ឡូឡូ
(Lo Lo)។
រួមជាមួយនឹងស្គរសំរិទ្ធ របាំ សំលៀកបំពាក់ ... សុទ្ធតែមានលក្ខណៈពិសេស និងពោរពេញដោយលក្ខណៈសិល្បៈរបស់ជនជាតិ
ឡូឡូ (Lo Lo) ស្រុក ម៉ែវវ៉ាក់
(Meo Vac) ខេត្ត ហាយ៉ាង
(Ha Giang) ដែលមិនអាចរកឃើញនៅកន្លែងណាបានឡើយ។
ជាធម្មតា ពិធីសែនដូនតារបស់ជនជាតិឡូឡូ (Lo Lo) មាន ៣ ផ្នែកធំៗគឺ ពិធីបូជា ពិធីរំលឹក និងពិធីជូនដំណើរដូនតា។ ក្នុងពិធីសែន គ្រូសែននឹងធ្វើពិធីបូជា ហើយអានអត្ថបទបួងសួង នៅចំពោះមុខមនុស្សគ្រប់គ្នាក្នុងគ្រួសារ និងសហគមន៍ ដើម្បីអញ្ជើញដូនមកចូលរួមក្នុងពិធីនេះ ។ បន្ទាប់មក ជនរួមជាតិ ឡូឡូ (Lo Lo) នឹងវាយស្គរសំរិទ្ធ ដើម្បីឲ្យគ្រប់គ្នារាំតាមសម្លេងស្គរ រំលឹកវិញ្ញាណក្ខន្ធអ្នកស្លាប់នៅមុខទីសក្ការៈបូជាដូនតា។ នៅចុងបញ្ចប់នៃពិធីសែននេះ ប្រជាជន ឡូឡូ (Lo Lo) នឹងធ្វើពិធីជូនដំណើរដូនតា។ ជនជាតិ ឡូឡូ (Lo Lo) ក៏វាយស្គរសំរិទ្ធ បន្ទាប់មកពួកគេដុតភ្លើងនៅកណ្តាលទីធ្លា ដើម្បីឲ្យគ្រូសែនអានអត្ថបទបួងសួងជម្រាបជូនដូនតាអំពីការដែលម្ចាស់ផ្ទះ បញ្ជូនគ្រឿងសំណែននិងជូនដំណើរដូនតាទៅកាន់ឋានសួគ៌។ ក្នុងអត្ថបទបួងសួងក៏មានការសុំដូនតាឲ្យទទួលអំណោយ និងសុំឲ្យដូនតាផ្តល់សេចក្តីសុខដល់កូនចៅនៅលើផែនដី។ បន្ទាប់មកគេដុតក្រដាសសែន ហើយពិធីនឹងបញ្ចប់នៅព្រឹកព្រលឹម។
ក្រោយពីពិធីនេះហើយ គ្រួសារម្ចាស់ផ្ទះនឹងអញ្ជើញអ្នកដែលចូលរួមក្នុងពិធីនេះទទួលទានបាយនិងស្រាជាមួយក្រុមគ្រួសារ។ គ្រឿងសំណែនទាំងអស់នឹងបានបែងចែកស្មើៗគ្នា ដើម្បីសម្តែងការដឹងគុណពីម្ចាស់ដល់អ្នកទាំងអស់គ្នាដែលបានមកជួយគ្រួសារក្នុងពិធីនេះ។
ក្រៅពីយកអត្ថន័យនៃការអប់រំសហគមន៍រំលឹកនឹកដល់ឫសគល់ និងដឹងគុណដូនតា អប់រំអំពីសីលធម៌នៃការផឹកទឹក នឹកដល់ប្រភព ពិធីសែនដូនតាក៏បានភ្ជាប់សហគមន៍ គ្រួសារ ត្រកូលនាម និងភូមិផងដែរ។ ដោយរបៀបអនុវត្តជំនឿដ៏វិសេសវិសាល ជាមួយនឹងតម្លៃវប្បធម៌ប្រជាប្រិយពិសេស ជនជាតិ ឡូឡូ (Lo Lo) បានរួមចំណែកក្នុងការធ្វើឲ្យវប្បធម៌វៀតណាមកាន់តែសម្បូរបែប និងប្លែកពីគេ៕