ពិធីប្រគល់គ្រឿងឥស្សរិយយសមិត្តភាពរបស់កម្ពុជាដល់សមូហភាពបុគ្គលវៀតណាម

នាថ្ងៃទី ៧ ខែកុម្ភៈ ឆ្នាំ២០១៨ នៅទីក្រុងហូជីមិញ ភាគខាងត្បូងវៀតណាម ក្រសួងការពារប្រទេសវៀតណាមនិងក្រុម​ការងារររាជរដ្ឋាភិបាលកម្ពុជាបានរៀបចំពិធីប្រគល់គ្រឿងឥស្សរិយយសមិត្តភាពរបស់កម្ពុជាជូនចំពោះសមូហភាព និងបុគ្គលមួយចំនួនរបស់វៀតណាម ដែលមានស្នាដៃក្នុងកិច្ចសហការរៀបចំសកម្មភាពរំលឹកខួបអនុស្សាវរីយ៍ «ឆ្នាំមិត្តភាពវៀតណាម-កម្ពុជា២០១៧»  ក្នុងនោះ មានខ្សែភាពយន្តប្រវត្តិសាស្ត្រវប្បធម៌និងព័ត៌មាន​របស់ព្រះរាជាណាចក្រកម្ពុជា។ ថ្លែងមតិនៅពិធីនេះ លោក កែវ បាភ្នំ ទីប្រឹក្សារបស់នាយករដ្ឋមន្ត្រីកម្ពុជា​ សម្តេច តេជោ ហ៊ុន សែន បានវាយតំលៃខ្ពស់ចំពោះការជួយឧបត្ថម្ភរបស់ក្រសួងការពារប្រទេស​វៀត​ណាម​បណ្ដាសមូហភាព និងបុគ្គលរបស់វៀតណាមក្នុងការផលិតខ្សែភាពយន្តប្រវត្តិសាស្ត្រវប្បធម៌និងព័ត៌មានរបស់​កម្ពុជា ជាពិសេសគឺការជួយឧបត្ថម្ភរបស់បក្សរដ្ឋរដ្ឋាភិបាលកងទ័ពនិងប្រជាជនវៀតណាមក្នុងការជួយប្រជាជន​កម្ពុជារួចផុតពីគ្រោះប្រល័យពូជសាសន៍ ប៉ុល ពត ក៏ដូជាជំនួយឧបត្ថម្ភដ៏ថ្លៃថ្លាជាក់ស្តែងប្រកបដោយប្រសិទ្ធភាព ចំពោះប្រជាជនកម្ពុជានាបច្ចុប្បន្ន។ ក្នុងឱកាសនេះដែរ លោកបានប្រគល់គ្រឿងឥស្សរិយយសមិត្តភាព​ថ្នាក់ធិបឌិន្តជូនសមូហភាពចំនួន ៥ និងគ្រឿងឥស្សរិយយសមិត្តភាពថ្នាក់មហាសេណាជូនចំពោះបុគ្គល​វៀត​ណាមចំនួន ៧ រូប៕

តាម VOV5 - វិទ្យុសម្លេងវៀតណាម