ពិធីបើក Sea Games 30
 

ពិធីបើកមហោស្រពកីឡាអាស៊ីអាគ្នេយ៍ (Sea Games) ឆ្នាំ ២០១៩បានបើកនាយប់ថ្ងៃទី ៣០ ខែវិច្ឆិកា នៅ​ពហុកីឡា​ដ្ឋានហ្វីលីពីន Arena ដោយមានការចូលរួមរបស់ប្រធានាធិបតីហ្វីលីពីនលោក Rodrigo Duterte ព្រះមហា​ក្សត្រ ប្រ៊ុយណេ ព្រះនាម Hassanal Bolkiah និងមន្ត្រីកីឡាអន្តរជាតិ រួមទាំងទស្សនិកជនជាង ៥ ម៉ឺននាក់។

ក្រុមកីឡាចំនួន ១១ ក្រុមនៅតំបន់បានឆ្ពោះទៅកាន់វេទិកា។ ជាពិសេស ក្នុងការដើរដង្ហែរក្បូននោះ មានការ​ចូល​រួមរបស់នារីស្រស់ស្អាតរបស់ ហ្វីលីពីនចំនួន ១១ នាក់ ដែលជាជើង​ឯកក្នុងការ​ប្រកួត​សម្រស់​នៅលើ​ពិភពលោក។

ចូលរួម Sea Games 30 លើកនេះ ក្រុមវៀតណាមមានសមាជិកចំនួន ៨៥៦ នាក់ ដែលក្នុង​នោះ​មាន​កីឡាករ​ចំនួន​ ៦០០ នាក់ ចូលរួមប្រកួតលើវិញ្ញាសាចំនួន ៤០។ ក្រុមវៀត​ណាម​បាន​ដាក់​ចេញ​គោល​ដៅទ​ទួល​មេដាយ​មាស​ចំនួន​ ៦៥ គ្រឿងឡើងទៅ ឲ្យបានជាប់ចំណាត់ថ្នាក់លេខ ៣ ផងដែរ៕
 

តាម​ VOV5 - វិទ្យុសំឡេងវៀតណាម