អញ្ជើញចូលរួមក្នុងពិធីមានវត្តមានអនុប្រធានរដ្ឋ លោកស្រី Dang Thi Ngoc Thinh តំណាងថា្នក់ដឹកនាំក្រសួងស្ថាប័នមជ្ឈឹម តំណាងអន្តជាតិ រួមទាំងប្រជាជននិងភ្ញៀវទេសចរមកពីគ្រប់ទិសទីផងដែរ។ ចំណុចលេចធ្លោនៃពីធីបុណ្យ Thanh Tuyen ឆ្នាំ២០១៧គឺកម្មវិធី “រាត្រីបុណ្យ Thanh Tuyen” ដោយមានការតាំងបង្ហាញរូបចង្កៀងគោមជាង ៦០ គ្រឿងដ៏ស្អាតអស្ចារ្យគួរឲ្យទាក់ទាញ។ អញ្ជើញថ្លែងមតិក្នុងពិធីបើក អនុប្រធានរដ្ឋលោកស្រី Dang Thi Ngoc Thinh បានវាយតម្លៃខ្ពស់ចំពោះគោលគំនិតរៀបចំពិធីបុណ្យ Thanh Tuyen ជាពិធីបុណ្យសំពះព្រះខែពោរពេញទៅដោយអត្តសញ្ញាណវប្បធម៌វិសេសវិសាលដោយឡែករបស់ខេត្ត Tuyen Quang។ លោកស្រីអញ្ជើញថ្លែងដូច្នេះថា៖
“ដើម្បីពង្រីកនូវអត្ថន័យនិងប្រសិទ្ធភាពនៃព្រឹត្តិការណ៍នេះ នាពេលខាងមុខ ខ្ញុំស្នើឲ្យបក្សភាគ រដ្ឋអំណាចនិងប្រជាជនខេត្ត Tuyen Quang បន្តផ្តោតការយកចិត្តទុកដាក់លើការងារអប់រំសតិអារម្មណ៍នយោបាយអំពីប្រពៃណីប្រវត្តិសាស្ត្ររបស់ស្រុកខ្លួន ប្រមូលផ្តុំគ្របប្រភពកម្លាំង ដើម្បីអភិវឌ្ឍន៍សេដ្ឋកិច្ចសង្គម ជាពិសេស ពង្រឹងធានាសន្តិសុខការពារជាតិ កសាងប្រព័ន្ធនយោបាយរឹងមាំ។ ទន្ទឹមជាមួយគ្នានោះ គប្បីផ្តោតសំខាន់លើការពង្រឹងនិងពង្រីកនូវតម្លៃវប្បធម៌របស់ជនជាតិខ្លួន បំពេញល្អការងារធានាសន្តិសុខសង្គម ថែទាំជនក្រីក្រនៅតំបន់ឆ្ងាយដាច់ស្រយាលនិងជនជាតិភាគតិចផងដែរ”។
ក្នុងឱកាសនេះដែរ លោកស្រី Dang Thi Ngoc Thinh បានជូនអំណោយជាប្រាក់ចំនួន ៣០០ លានដុងនិងកង ១០០ គ្រឿងចំពោះក្រុមកុមារដែលមានស្ថានភាពលំបាកប៉ុន្តែសង្វែករៀនសូត្រពូកេ៕
តាម VOV5 - វិទ្យុសម្លេងវៀតណាម